Lok Angeya

◼ Marci: Wabitero buk me Baibul Mono Pwonyo Gin Ango? Tute matek me cako kwano Baibul ki dano. April ki Mai: Ter Watchtower ki Awake! Ka ma kinyutu iye miti, ti ki trak me In Imito Ngeyo Lok Ada? kun iyelle matek me cako kwano Baibul ki dano. Ka itye ka dok cen bot jo ma gunyutu miti kacel ki jo ma gimaro bedo tye i kare me Nipo nyo ma gibino i cokke kicel kicel, yelle matek me cako kwano Baibul ki buk me Baibul Pwonyo. Juni: Wabitero buk me Baibul Mono Ada Pwonyo Gin Ango? Tute matek me cako kwano Baibul ki dano i rwattewu tyen mukwongo. Ka rwod ot dong tye ki buk man dok pe mito kwano Baibul, lutit kwena giromo tic ki buk me Ngec, brocuwa me Mito, nyo brocuwa me Wubed ma Wukiyo Piny!

◼ Ka itye ka miyo caden bot dano ma loko leb pa jo China, nyut bote pot karatac i buk me Nations ka ma kinyutu iye Chinese (Traditional) (CH) ki Chinese (Simplified) (CHS) wek en oyer mene ma mito kwanone. Kit ma ngene kwede, jo ma gia ki i Hong Kong nyo Taiwan gimaro kwano bukke ma kicoyo i Chinese (Traditional) (CH), ento jo ma gia ki i China kikome gimaro kwano bukke ma kicoyo i Chinese (Simplified) (CHS). Ma lubbe ki vidio nyo dwan ma kimako, ket tammi i kom leb mene ma rwod ot loko dok niang maber. Pol kare, jo me lobo China ki Taiwan giniang Chinese (Mandarin) (CHM), ento jo ma a ki i Hong Kong giniang Chinese (Cantonese) (CHC).

◼ Kibinyamo vidio me Jehovah’s Witnesses—Organized to Share the Good News i Cokke me Ticwa acel i dwe me Agucito. Ka vidio man mitte, ci myero kipeny pire cut cut ki i kacokkewu.