“Pe Ibed ki Lworo”
1. Kit peko ango marom aroma ki pa Jeremia-ni ma wan wakemme kwede?
1 I kare ma kicimo Jeremia me tic calo lanebi, en onongo otamo ni pe epore pi tic meno. Ento Jehovah ocuko cwinye ni, “pe ibed ki lworo,” dok omiye teko me cobo ticce. (Jer. 1:6-10) I karewa-ni, lewic nyo bedo ki cac i komwa kenwa twero gudo kit ma watiyo kwede ticwa me pwony. Lworo i kom kit ma dano guromo dok iye onyo nenowa kwede romo gengowa ki miyo caden i kine mukene. Watwero loyo lworo man nining, dok mot ango ma wan ki acel acel wabinongone?
2. Yubbe maber konyowa nining me juko lworo ma watye kwede i ticwa me pwony?
2 Yubbe Woko Con: Yubbe maber romo konyowa me juko lworo. Me laporre, ka ce wangiyo con lok mogo ma dano gimaro wacone me ngolo lokwa, wabibedo atera me dok iye maber. (Car. 15:28) I kare me Woro pi Jo me Ot, pingo pe wupor kit me yubbe me dok pi pekki me nyamo lok mogo ma warwatte kwedgi i cukul nyo i ticwa me pwony?—1 Pet. 3:15.
3. Geno Jehovah konyowa nining me juko lworo?
3 Gen Jehovah: Gin ma cango lworo aye obedo jenge i kom Lubangawa. Jehovah ocikke ni ebikonyowa. (Ic. 41:10-13) Meno aye dong gwok maber loyo ma watwero bedo kwede. Medo i kom meno, Yecu ocuko cwinywa ni ka jami ma timme atura ongole, cwiny maleng pa Lubanga bikonyowa me miyo caden i yo mupore. (Mar. 13:11) Pi man, myero waleg Jehovah pi cwiny mere maleng kare ducu.—Luka 11:13.
4. Mot ango ma wanongo ka wamedde i ticwa me pwony kadi bed ni pekki tye?
4 Mot: Ka wamedde i ticwa me pwony kadi bed ni pekki tye, wabibedo ki kero me lweny ki peko ma bino i anyim. Wanongo tekcwiny, ma en aye gin ma nyutu ni watye ki cwiny maleng. (Tic 4:31) Medo i kom meno, ka Jehovah konyowa me loyo lworo, wajingo niyewa ki gen ma watye kwede i kome me larowa. (Ic. 33:2) Wanongo bene yomcwiny ki yengo ma bino pi ngeyo ni watye ka yomo cwiny Wonwa me polo. (1 Pet. 4:13, 14) Pi man dong, pe wabedu ki lworo i ticwa me tito kwena me Ker-ri ki tekcwiny, kun wajenge i kom Jehovah kare ducu!