Lok Angeya

◼ April ki Mai: Ter Watchtower ki Awake! Ka itye ka dok cen bot jo ma gunyuto miti kacel ki jo ma gubedo tye i kare me Nipo ento gibino i cokke kicel kicel, yelle matek me miyo buk me Baibul Mono Ada Pwonyo Gin Ango? Mitiwa myero obed me cako kwano Baibul ki dano. Juni: Wabitero buk me Baibul Mono Ada Pwonyo Gin Ango? Ka rwod ot dong tye ki buk man, ci lutit kwena giromo miyo buk me Wor Lubanga Acel me Ada, Ngec ma Terowa Ikwo ma Pe Tum, nyo brocuwa me Ngo ma Lubanga Mito ki Botwa? Julai ki Agucito: Lutit kwena giromo tic ki brocuwa mo keken ma tye ki pot karatac 32 ma tye i kacokke. Tutwalle omyero kiti ki brocuwa me Ngo ma Lubanga Mito ki Botwa?, Yo me Cito i Kwo ma pe Tum​—⁠Dong Inongo?, ki Wubed ma Wukiyo Piny! Ka kacokke pe tye ki brocuwa adek magi muromo, ci omyero kipeny pigi con.

◼ I cabit me gure madit me distrik, gure me adwol, ki dong gure me nino acel, kacokke pe bibedo ki Cokke me Kwano Baibul, Cukul me Tiokraci kacel ki Cokke me Ticwa. Pi meno, wacuko cwiny dano ducu me kwano pwony ma gitye pi cokke adek magi pigi kengi, ma man romo bedo i cawa me otyeno me Woro pi Jo me Ot.

◼ Wi lok me pwony ma kite dok pat pi kare me Nipo me mwaka 2010 tyen ni “Kuc me Ada ki Piny ma Okwe Mot​—⁠Bibino Awene?”