Bok Me Lapeny

◼ I yo ango ma dano ducu gitwero konyo me miyo cokkewa bedo maber ma weko dano twero nongo pwonye? (Nwo. 31:⁠12)

Kicuko cwiny dano ducu me o con i cokke dok ma guyubbe me winyo pwony pa Jehovah pien man nyutu woro matut bote pi yub me cokke ma en oketo-ni. Bedo ber me bedo i kabedo ma tye anyim kun waweko ma angec bot jo ma bino ki lutino nyo jo ma gwok gio lacen. Ma cokke peya ocake, omyero ki dwok dwan jami ducu ma kok malongo piny wek pe oyel lwak. Ayelayela bibedo manok ka dano ducu gubedo ki cwiny me woro matut i kare me cokke.​—⁠Latit. 5:1; Pil. 2:⁠4.

Ka jo ma pud ginyen gucako bino i cokke, omyero ngat mo ma i kacokke ma ngeyogi obed kacel kwedgi. Man gin ma pire tek adada, tutwalle ka ce tye lutino matino ma myero kipwonygi. Bedo i cokke romo bedo gin manyen bot luot meno. Ka kumeno, bedo ber ka gubedo tung angec ka ma pe giyelo lwak mukene-ni, dok ka ma kato woko pi lunyodo twero bedo yot ka ce mitte ni gucob miti pa latin moni. (Car. 22:​6, 15) Jo me ot ma gitye ki lutino matino pe myero gubed i rum mapat ka ma lutino romo bedo agonya me wo. Bedo ber mada ka lunyodogi aye opwonyogi nyo omiyo botgi jami ma gimito ki woko ka dong gudwokgi i ot.

Lujol wele gikonyo me weko i ot bedo ma oling ma rwatte ki ot me woro. Gikonyo jo me ot ki jo ma gwok gio lacen me nongo kabedo maber. Lujol wele gitemme me gwokke dok ginyutu ryeko i ticgi me konyo dano me bedo maber labongo ayela mo. Gitiyo ki wic ma kwiri pi cobo ayelayela mo ma bino atura. Ka ce tim pa latin moni tye ka yelo jo mukene, ci lujol wele gitwero miyo kony ki cwiny me kica.

Jo ducu ma gitye i cokke gitwero konyo me miyo cokkewa bedo maber ma weko dano twero nongo pwonye i kom Jehovah ki yubbe me kelo kuc ki lobo manyen me kit matir.​—⁠Ibru 10:​24, 25.