Kit me Nyutu Magajin

The Watchtower Oktoba 1

“Dano mapol i kare-ni gurwenyo niye i kom Lacwec. Pingo in itamo ni man timme? [Mine kare wek ogam.] Tyeng magi miyo tyen lok acel. [Kwan Kabakuk 1:2, 3.] Pwony man gamo lapeny mogo ma dano gimaro penyone i kom Lubanga ma omiyo gin gurwenyo niye i kome.” Nyut pwony ma cakke ki i pot karatac 11.

Awake! Oktoba

“In tika iye ni jo me odi girwatte ki pekki mapol adada i kare-ni? [Mine kare wek ogam.] Polgi pe gitye ki ngec i kom tam ma tiyo ma nonge i Baibul. Labolle tye kany. [Kwan ginacoya mo acel ki i magajin man.] Awake! man ma kite dok pat-ti nyutu kit ma cik me Baibul romo konyo jo me odi me lweny ki pekki mapat pat.”

The Watchtower Novemba 1

“In itamo ni pwony ducu ma kipwonyogi i kanica mapat pat-ti gia ki i Baibul? [Mine kare wek ogam.] Baibul cikowa ni myero wagwokke wek pe kibwolwa ki pwony gobagoba. [Kwan Jo Kolocai 2:8.] Magajin man yaro ka maleng pwony me tekwaro abicel ma pe girwatte ki Lok pa Lubanga.”

Awake! Novemba

“Dano pe dong giromo kwo labongo jami calo cim cing ki kompiuta. In itamo ni tic ki diro me tet mono gwoko cawa nyo balo abala? [Mine kare wek ogam.] Pol pa dano ye lok man ma cuko cwinywa me tic ki cawa ki ryeko-ni. [Kwan Jo Epeco 5:15, 16.] Magajin man nyamo kit ma waromo tic kwede ki diro me tet i yo mupore kun waparo pi jo mukene.”