Ti Maber ki Bukkewa
1. Watwero lubu lanen pa Yecu i nyutu pwoc pi mic pa Jehovah nining?
1 I kare ma Yecu dong otimo tango ki pito lwak mapol, en ociko ni kicok cam mudong ducu kigwok maber. (Mat. 14:19-21) Nyutu pwoc ma kit meno pi mic pa Jehovah miniwa lanen maber ni omyero ‘wabed jo ma miyo pwoc’ i yo me tic maber ki jami ducu ma Jehovah miyo kun wok ki bot “lagwok ot ma lagen.”—Kol. 3:15; Luka 12:42; Mat. 24:45-47.
2. Watwero juko duru magajin mapol tutwal nining?
2 Magajin: Waromo nongo ni waduru magajin mapol tutwal ka ce pe waterogi bot dano. Ka ce kare ki kare magajin mapol dong dure ma pe waterogi woko, ci myero wadwok wel ma wapenyo pire piny. Magajin ma dong gurii pi kare malac kono? Magajin magi nongo pud gitye ki ngec mabeco pi dano. Ka ce watye ki magajin ma gurii ma odure, lanen wi tic me pwony nyo laelda mukene twero konyowa kun nyutu kit ma waromo terogi kwede woko.
3, 4. Lok ango ma omyero wiwa opo iye ka wacito ka gamo bukke i Ot me Ker?
3 Bukke Mukene: Ka kiloko bukke ma wabiterogi woko bot dano, nen kong ka ce itye ki bukke magi paco muromo ma peya igamo mukene ki i Ot me Ker. Bedo ber ka igamo bukke ma ibitiyo kwedgi pi cabit meno keken, ka dong idok ka gamo mukene ka ityeko tero bukke magi woko.
4 Pi bukke ma imito piri, peny pi ma imitone keken. Coo nyingi ka ma kiweko pi coyo nying. Meno bikonyi wek bukki pe orweny. Ka in itiyo ki Watchtower Library i CD-ROM kun itye ki magajin ma megi ma igwoko, pe dok bimitte ni ipeny pi bound volumes me Watchtower ki Awake!
5. Ngo ma myero wiwa opo iye ka watero bukkewa woko?
5 Tero Bukke Woko: Watute me weko bukkewa bot jo ma gunyutu mitti keken. Wi omyero opo ni cente ma mitte me konyo coyo bukkewa magi ma waterogi i ticwa me pwonyi polle tye i wiwa. Dong ka itye ka weko buk bot jo ma gunyutu mitti, pe ibed ki lworo me penyogi pi miyo mic labongo dic mo me konyo kor tic ma kwako lobo ducu-ni.
6. Pingo watero bukkewa calo jami ma pigi tego tutwal, dok man miyo watiyo kwedgi nining?
6 Kadi bed ni Yecu otimo tango me miyo cam bot jo mukene, ento en pol kare opito dano ki cam me cwiny. Yecu owacci: “Dano pe bibedo kwo ki kwon keken, ento bedo kwo ki lok ducu ma a ki i dog Lubanga.” (Mat. 4:4) Bukkewa pwonyo ada ma tye i Baibul ma mitte me nongo kwo ma pe tum. (Jon 17:3) Gubedo jami ma pigi tego tutwal ma pe watwero bologi abala ata!