Gamo Lapeny me Cukul me Tiokraci

Lapeny magi gibinyamogi i Cukul me Tiokraci i cabit ma cakke i Febuari 23, mwaka 2009. Lador wi cukul bitelo lwak pi dakika 20 i gamo lapeny ma cung i kom gin ma kipwonyogi cakke i cabit me Januari 5 o kwede wa i cabit me Febuari 23, 2009.

1. Lubanga mono onongo romo keto dero i nino me acel nining ka jami calo ceng-gi ni kiketogi wa i nino me angwen? (Acak. 1:3, 16) [w04 1/1 pot 28 para. 5]

2. Kit ma Jehovah pe owaco ki Nua ni olo lobo kit ma en owaco kwede bot Adam ma onongo pe ki roc-ci nyutu ngo? (Acak. 9:1) [it-2 pot 1095 para. 6]

3. Awene ma Gicikke pa Abraim-mi ocako tic iye, dok birii pi kare ma rom mene? (Acak. 12:1-4) [w04 1/15 pot 26 para. 4; w01 8/15 pot 17 para. 13]

4. Ngo ma nyutu ni Nimulodi kacel ki jo ma lubu telane pe gucobo yubgi me wek ‘nyingi oywek-ki’? (Acak. 11:4) [w98 3/15 pot 25]

5. Pingo Lot dok onongo mito miyo anyirane bot lwak ma kitgi raco kun kilwongo en ni dano ma “kite atir” i 2 Petero 2:7? (Acak. 19:8) [w05 2/1 pot 26 para. 15-16; w04 1/15 pot 27 para. 3]

6. Cakke dok nining ni Abraim oryemo Agar gin ki Icmael woko i tim kun co ma gilworo Lubanga omyero gugwok jo me odigi? (Acak. 21:10-21; 1 Tem. 5:8) [w88 2/15 pot 31]

7. Pwony ango ma wanongo ki i tute pa Eliejer me timo jami kit ma Jehovah mito i kare me yenyo dako ki Icaka? (Acak. 24:14, 15, 17-19, 26, 27) [w97 1/1 pot 31 para. 2]

8. Lek ma Yakobo oneno ka lumalaika ‘gilor piny ka dok giito gidok malo ki i rwom-mi’ te lokke ngo? (Acak. 28:10-13) [w03 10/15 pot 29 para. 1; it-2 pot 189]

9. Pingo Lakeri obedo ki miti matek tutwal me nongo yat nyodo pa wod pa Lea? (Acak. 30:14, 15) [w04 1/15 pot 28 para. 7]

10. Lanen ma Yakobo onyutu-ni ber nining pi cobo peko ma nongo tye i kinwa? (Acak. 33:3, 4) [g82 2/22 pot 19 para. 6, 8-10]