Lok Angeya

◼ Januari: Kibitic ki buk mo keken ma tye ki pot karatac 192 ma kicoyo ki karatac ma kalane lokke yelo yelo nyo buk mo keken ma kiyubo ma nongo mwaka 1991 pudi. Kacokke ma pe ki bukke magi giromo tic ki buk me Ngec nyo brocuwa me Wubed ma Wukiyo Piny! Febuari: Wabitero buk me The Secret of Family Happiness nyo buk me Ngec. Marci: Ti ki buk me Baibul Mono Ada Pwonyo Gin Ango? Tute matek me cako kwano Baibul ki dano. April ki Mai: Ter Magajin me Watchtower ki Awake! Tute matek me dok cen bot jo manyen ma gunyutu miti ki bino i kwer me Nipo kacel ki pwony ma kite dok pat ma kiyubo pi lwak ento pe gimaro ribbe ki kacokke. Dok cen ka lim meno myero obed ki yub me cako kwano Baibul ki jo ma onongo peya gucako.

◼ Kit macalo Marci tye ki Ceng Abicel ki Ceng Cabit abic kulu-ni, bibedo ber me tic calo painia pi tutunu.

◼ Cakke i Febuari me o i Marci 2 wi lok me pwony ma kiyubo pi lwak ma laneno me adwol bitic kwede bibedo ni “Wan Watwero Nongo Kony ki Kwene i Kare me Peko?”

◼ Kacokke omyero oket yub ma rwatte pi kwero nino me Nipo me mwaka-ni ma bibedo i Ceng Abicel me Marci 22 ma nongo dong ceng opoto woko. Kadi bed ni kiromo cako miyo pwony con ma peya ceng opoto, ento cwalo mugati ki vino i kin dano myero ocake ma nongo dong ceng opoto woko. Peny dano ma i kabedoni me moko cawa ma ceng poto iye. Kacokke acel acel myero otemme me yubo yub me kwero nino me Nipo megi pat. Ento, man kono kine mukene pe twerre. Ka kacokke mapol gitiyo ki Ot me Ker acel keken, kacokke acel nyo mukene-ni giromo pango kabedo mo mapat me tic kwede i otyeno meno. Ka twere, wamiyo tam ni omyero kiwek yub mukene ocakke i nge dakika 40 pi miyo kare bot dano me motte ki dok me lok ki luwotgi. Omyero kitam pi ka ma mutoka bicung iye ki mukene ma bikelo dano akela keken ci gidok woko. Luelda omyero guket yub ma rwatte ki kwo ma i kabedogi.

◼ Lukaran me kacokke omyero gunen ni gigwoko waraga ma nyutu cimo ngat moni me bedo painia (S-202), pi painia marii acel acel ma tye i kacokke. Ka gipeke kwede ci omyero guco waraga i jang gang kal pire.

◼ Cakke i cabit ma bicakke i Agucito 4, 2008, wabikwano buk me Live With Jehovah’s Day in Mind i Cokke me Kwano Buk.