Gamo Lapeny me Cukul me Tiokraci

Lapeny magi gibinyamogi i Cukul me Tiokraci i cabit ma cakke Agucito 27, 2007. Lador wi cukul bitelo lwak pi dakika 30 i gamo lapeny ma cung i kom gin ma kipwonyogi cakke i cabit me Julai 2 o kwede wa i cabit me Agucito 27, 2007.

DIRO ME LOK

1. Watwero nyutu woro bot jo mukene i ticwa me pwony ki dok i kacokke nining? [be pot 192 para. 2-4]

2. Ngo ma pire tek ka wamito loko lokwa ki miti? [be pot 196 para. 1-3]

3. Tam ango ma tye ma bikonyowa me tic ki ryeko ka watye ka miyo caden bot jo mukene? [be pot 198 para. 1-5]

4. Tic ki ryeko kwako neno kare mupore me nyamo lok mogo nining, ka watye ka miyo caden bot jo mukene? (Car. 25:11) [be pot 199 para. 1-3]

5. Watwero tic ki dwan me cuko cwiny i miyo pwonywa nining? [be pot 203 para. 3–pot 204 para. 1]

PWONY NAM. 1

6. Ngo ma watwero wacone i kom buk pa Ejekiel, ki ni buk-ki obedo buk maleng? [si pot 133 para. 3]

7. Kit acel mene ma pire tek ma mitte wek ngat moni okany ka kitye ka tere marac? [w05 6/1 pot 29 para. 4]

8. Ngo ma waromo pwonyone ki i lagam pa Yecu bot Lucadukayo ma gupenye pi lok me nicer? (Luka 20:37, 38) [be pot 66 para. 4]

9. Ka ce lok mo ongolle, ci ngat ma ikwano kwede Baibul nyo laye lawoti mo openyi pi ngo ma myero en etim, omyero igam nining? [be pot 69 para. 4-5]

10. ‘Roco tam me cwinywa wek odok nyen’ kwako ngo? (Ep. 4:23) [be pot 74 para. 4]

KWANO BAIBUL CABIT KI CABIT

11. Dano moni ma oruko bongo camanini ma kiloko pire i Ejekiel 9:2-4, cung pi anga, dok ‘lanyut ma i tur nyim-mi’ tyen lokke ngo? [w88 9/15 pot 14 para. 18]

12. I yo ango ma lutela dini pa Lukricitayo ata-ni gitye calo ‘lunebi ma luming’ ma kiloko pigi i Ejekiel 13:3 ‘ma gilubu mere tam ma gutamo atama ki i cwinygi’? [w99 10/1 pot 13]

13. Luicrael onongo gitye ka temme me weyo ngo i lokgi me “carolok” ma kicoyo i Ejekiel 18:2, dok pwony ango ma pire tek madok i kom kemme ki adwogi me gin ma watimo, ma kinyutu kany? [w88 9/15 pot 18 para. 10]

14. Bedo pa Ejekiel ma ‘doge oto,’ nyo ni “ladoge-oto” i kare ma kijwero kwede Jerucalem-mi tyen lokke ngo? (Ejek. 24:27; 33:22) [w03 12/1 pot 29]

15. “Gog ma tye i lobo Magog” obedo anga, dok en bia me cito ka jwero jo pa Jehovah awene? (Ejek. 38:2, 16) [w97 3/1 pot 14 para. 1–pot 15 para. 3]