Gamo Lapeny me Cukul me Tiokraci

Lapeny magi gibinyamogi i Cukul me Tiokraci i cabit ma cakke Juni 25, 2007. Lador wi cukul bitelo lwak pi dakika 30 i gamo lapeny ma cung i kom gin ma kipwonyogi cakke i cabit me Mai 7 o kwede wa i cabit me Juni 25, 2007. [Nge lok man: Omyero iyeny lagam me lapeny ma pe kicimo ka ma myero icit iye pi lagam, in kikomi.—Nen i buk me Ministry School, pot 36-7.]

DIRO ME LOK

1. Ka watye ka lok, ngo ma waromo timone wek ler komwa opye mot ma nongo miyo dwanwa bene winnye mamit? [be pot 185 para. 1-3]

2. I yo ango ma wan waromo ‘lokke kwede me bedo i kit ma dano mapat pat gitye kwede ka watye i ticwa me pwony? (1 Kor. 9:20-23) [be pot 186 para. 2-4]

3. Watwero lubo lanen pa Jehovah me winyo tam pa jo mukene nining? (Acak. 18:23-33; 1 Luker 22:19-22) [be pot 187 para. 1-2, 5]

4. Yo ango ma watwero konyo kwede jo mukene wek gudong i yo me cwiny? [be pot 187 para. 6–pot 188 para. 3]

5. Pingo omyero waparu pi nyutu woro bot jo mukene? [be pot 190 para. 3, ki bok]

PWONY NAM. 1

6. Pingo myero watute matek me gudo cwiny jo ma wapwonyogi? [be pot 59 para. 1]

7. Lanen ma wanyutu kelo adwogi ango i kom jo ma wapwonyogi? [be pot 61 para. 1]

8. I yo ango ma watwero dongo kwede diro me lokwa ki i paco? [be pot 62 para. 3]

9. Labol me tekcwiny ango ma wanongo ki bot lanebi Jeremia? [si pot 129 para. 36]

10. Kit gen ango ma buk me Koko oloko pire, ento pingo dok pire tek i nyutu kit ma Lubanga bingolo kwede kop i kom jo maraco? [si pot 132 para. 13]

KWANO BAIBUL CABIT KI CABIT

11. Ma lube ki jami ma otimme i kwo pa Jeremia kit macalo kitito i Jeremia 37:21, gen ango ma waromo bedo kwede?

12. Pingo oromo bedo ni Baruk owaco ni Jehovah dok ‘omedo cwercwiny i kom aremme,’ ma omiyo en ‘ool woko,’ dok Baruk kong otemo timo ngo ma lubbe ki peko man? (Jer. 45:1-5)

13. Awene ma dano gugiko kwede bedo i Babilon, ma omiyo odoko “obur ma iye odong nono”? (Jer. 50:13)

14. Cik ango ma kwako lega ma kiloko pire i Koko 3:8, 9, 42-45?

15. Ngo ma gadigadi ma tye i Ejekiel cura 1 cung pire?