Gamo Lapeny me Cukul me Tiokraci

Lapeny magi gibinyamogi i Cukul me Tiokraci i cabit ma cakke April 30, 2007. Lador wi cukul bitelo lwak pi dakika 30 i gamo lapeny ma cung i kom gin ma kipwonyogi cakke i cabit me Marci 5 o kwede wa i cabit me April 30, 2007. [Nge lok man: Omyero iyeny lagam me lapeny ma pe kicimo ka ma myero icit iye pi lagam, in kikomi.—Nen i buk me Ministry School, pot 36-7.]

DIRO ME LOK

1. Ngo ma watwero timone wek pe wadur lok mapol i karatacwa me pwony? [be pot 168 para. 4]

2. Nyut yo angwen mapat pat ma waromo cano kwede Ngec ma watye ka pwonyone wek owot kore ki kore. [be pot 170 para. 3–pot 172 para. 4]

3. Ngo ma myero wawek obed i wiwa ka watye ka moko gin ma myero waket obed i pwonywa? [be pot. 173 para. 1-2]

4. Ber pa miyo pwony, ma pe wakwano lokke akwana obedo ngo? [be pot 175 para. 2-4]

5. Pingo loko lok i kit ma waloko kwede ki dano jwi pire tek, dok watwero dongo diro man nining? [be pot 179 para. 4, ki bok; pot 180, bok]

PWONY NAM. 1

6. Omego ma kimiye ni omyero omi pwony me ka ma kikwano ki i Baibul, omyero oyub nining? [be pot 47 para. 3-4]

7. Gin ango ma pire dit adada ki i gitum pa Kricito ma loyo wa adwogi maber ma wanongo ki iye? [w05 11/1 pot 14 para. 1]

8. Omyero wati nining ki Ginacoya ma kicimogi i karatac me pwony ma kiyubo pi lwak? [be pot 53 para. 1-2]

9. Macalo lapwony, miti pa Yecu onongo tye ningo, dok watwero poro en nining? [be pot 57 para. 1]

10. Pingo nyutu apokapoka matye i kin jami calo pwony ma tye atir ki ma pe tye atir obedo yo maber me pwony? [be pot 57 para. 3-4]

KWANO BAIBUL CABIT KI CABIT

11. Watwero tute me keto i tic lok ma tye i Jeremia 6:16 me wot i “yo me kare macon, ka ma yo maber tye iye” nining?

12. Pingo Jehovah otiyo ki winyo acebe me pwonyo jo Juda ma onongo pe gubedo lugen, dok man pwonyowa ningo? (Jer. 8:7)

13. Waromo tic ki lok ma tye i Jeremia 15:17 nining me konyowa i kit ma myero water kwede galowang i kare-ni?

14. Dano tye calo lobo agulu nining i cing Jehovah ma obedo Lacwe Agulu Madit? (Jer. 18:5-11)

15. Kit yo ma kiryeyo kwede nying rok i Jeremia 25:17-26 pire tek tutwal pi karewa-ni nining?