Gamo Lapeny me Cukul me Tiokraci

Lapeny magi gibinyamogi i Cukul me Tiokraci i cabit ma cakke i Oktoba 30, mwaka 2006. Lador wi cukul bitelo lwak pi dakika 30 i gamo lapeny ma cung i kom gin ma kipwonyogi cakke i cabit me Sektemba 4 o kwede wa i cabit me Oktoba 30 mwaka 2006. [Nge lok man: Omyero iyeny lagam me lapeny ma pe kicimo ka ma myero icit iye pi lagam, in kikomi.—Nen i buk me Ministry School, pot 36-7.]

DIRO ME LOK

1. Pingo pire tek me bedo ma komwa opye mot ka watye ka lok, dok watwero jwiko lworo nining? [be pot 135 para. 5–pot 137 para. 2, bok ducu]

2. Ka kipenyo lok kom niyewa, pingo omyero watemme matek me tic ki Baibul me gamone? [be pot 143 para. 1-3]

3. Watwero dongo dirowa me tic ki Baibul nining? [be pot 144, bok]

4. Pingo pire tek me tic ki Baibul tere tere ka watye ka pwonyo dano, dok watwero cuko cwiny dano me tic kwede i cokke nining? [be pot 145-6, bok ducu]

5. Lok manok ma wamiyo i kom ginacoya ma nongo wamito kwanone omyero ocob jami aryo ango? [be pot 147 para. 2]

PWONY ME 1

6. Kwena ma pire tek ango ma tye i Jabuli? [si pot 104 para. 23]

7. Buk pa Carolok kicoyo ki dok kiketo pote kacel Awene? [si pot 107 para. 5]

8. Carolok obedo ngo, dok pingo nying buk man rwatte mada i leb Ibru? [si pot 107 para. 6]

9. Lok ma tye i Carolok 2:1-5 ma cuko cwinywa me yenyo ngec, ryeko ‘macalo wayenyo lim, nyo lonyo-ni,’ tyen lokke ngo? [be pot 38 para. 4]

10. Buk me Carolok nyuto tek pa pire kekene nining? [si pot 109 para. 19]

KWANO BAIBUL CABIT KI CABIT

11. I yo ango ma Daudi ‘okweyo kwede cwinye dok oling mot calo latin ma oling i kor minne,’ dok wan watwero poro en nining? (Jab. 131:1-3)

12. Kwe cwiny ango ma twero nonge i lok ma tye i Jabuli 139:7-12?

13. Lanen me dit pa Jehovah ango ma kiloko pire i Jabuli 145 ma miyo watwero pako iye en i legawa ki dok i ticwa me pwony? (Jab. 145:3)

14. I yo ango ma lworo Jehovah ‘obedo acakki me nongo ngec’ ki ‘acakki me nongo ryeko’? (Car. 1:7; 9:10)

15. I Carolok 7:1, 2, lok ni “lokka” ki “cikka” kwako ngogi?