Bok Me Lapeny

◼ Mono bedo ber me ryeyo lok ma kibipwonyogi i Cukul me Tiokraci kacel i gin mo ma nongo icoyo woko acoya ki dok me pokone bot dano?

Kitwero timo man ka ce kibipokogi bot jo me odi nyo bot lurem mogo macok keken. Ento, jami ma kit magi pe omyero obed me apoka bot lwak nyo me acata bot dano, pien meno nongo obedo turo cik ma gengo cato coc, lok, nyo buk pa ngati mukene labongo nongo twerone.—Rom. 13:1.

I Cukul me Tiokraci, pwony mukene kimiyo wi lokke keken; pe kinyuto ka ma pwony meno nonge iye. Mono bedo ber pi ngat mo me ryeyo ka ma pwony acel acel twero nonge iye i gin mo ma nongo en ocoyo acoya wek okony jo ma nongo kimiyogi pwony me apwonya? Pe. Dok bene pe ber pi ngat mo me yubo lagam me Lapeny me Cukul me Tiokraci me konyo jo mukene, kit macalo meno pe twero konyogi me po i kom tam ma pigi tego. Lutino kwan omyero gukwed jami ma mitte ducu gin kikomgi. Man obedo but yo me pwony ma pire tek ma Jehovah miyowa kun tiyo ki cukul man wek ‘wange lok ma myero waloki.’—Ic. 50:4.