Lok Angeya

◼ Marci: Wabitero buk manyen me Baibul Mono Ada Pwonyo Gin Ango? Tute matek me cako kwano Baibul ki dano. April ki Mai: Wabitero Watchtower ki Awake! Ka idok bot jo ma gunyuto miti, kacel ki jo ma gubino i yub me kwero Nipo nyo ma gibino i cokke kicel kicel, yelle matek me miyo buk manyen me Baibul Mono Ada Pwonyo Gin Ango? Mitini myero obed me cako kwano Baibul ki dano kun nongo itiyo ki buk man. Juni: Wabitero buk me Learn From the Great Teacher ento ka jo mogo guwacci gipe ki lutino, ci ti ki buk me Ngec. Tute matek me cako kwano Baibul ki dano.

◼ Kit ma April tye ki Ceng Abicel ki Ceng Cabit abic kulu-ni, bibedo ber me tic macalo painia pi tutunu.

◼ Kwero Nipo bibedo i Ceng Adek me April 12 mwaka 2006. Ka kacokkewu bedo ki cokke i Ceng Adek, ci kiromo lokone me bedo i nino mukene i cabit acel-lu teke ka Ot me Ker bedo nono i nino meno. Ento ka man pe twere kun obedo i nino me Cokke me Ticwa, ci kiromo ribo pwony mogo ma pigi tego pi kacokkewu i Cokke me Ticwa mukene-ne.

◼ Kacokke omyero omi Watchtower ki Awake! bot lutit kwena cut cut teke oo. Man bimiyo kare ki lutit kwena me kwano lok ma tye i igi ma nongo peya gutero magajin magi i tic me pwony. Kadi wa Ticwa Me Ker bene omyero kimi woko cut cut teke oo. Kiromo miyone ma lubbe ki yub me Cokke me Kwano Buk.

◼ Kibinyamo lok i kom Vidio me Noah—He Walked With God i Cokke me Ticwa ma bibedo i Mai ka ma vidio twero nonge iye. Ka man mitte, ci kiromo penyo pire oyotoyot kun nongo kiwok ki i kacokke.

◼ Jang gang kal pe cwalo bukke bot lutit kwena ma nongo gupenyo pire pigi kengi. Won kom pa luelda myero oyub lok angeya dwe ki dwe ma nongo kacokke peya gupenyo pi bukke ma gimito pi dwe moni ki i jang gang kal wek ka ngati mo tye ka mito buk mo, ci oniang omego ma neno lok i kom bukke con. Omyero inge bukke mene ma kimiyo bot jo ma nongo gupenyo pirgi con keken.