Lok Angeya

◼ Januari 2006: Ti ki buk mo keken ma tye ki pot karatac 192 ma kiyubo ki karatac macon ma kalane lokke yelo yelo nyo buk mo keken ma kiyubo ma peya mwaka 1991 oromo. Kacokke ma pe gitye ki bukke magi gitwero tic ki Mankind’s Search for God ka tye i kin bukke me kacokkegi. Wabitero bene New World Translation of the Christian Greek Scriptures me leb Swahili. Febuari: Wabitero buk me Draw Close to Jehovah. Kacokke ma pe ki buk man gitwero tic ki bukke mogo ma nongo tye i kacokke con. Wabitero bene New World Translation of the Christian Greek Scriptures me leb Swahili. Marci: Wabitero buk manyen me Baibul Mono Ada Pwonyo Gin Ango? Tute matek me cako kwano Baibul ki dano. April ki Mai: Ter Watchtower ki Awake! Ka itye ka dok bot jo ma gunyuto miti, kacel ki jo ma gimaro bedo tye i kare me Nipo nyo ma gibino i cokke kicel kicel, yelle matek me miyo buk manyen me Baibul Mono Ada Pwonyo Gin Ango? Mitiwa myero obed me cako kwano Baibul ki dano kun watiyo ki buk man.

◼ Kit ma April tye ki Ceng Abicel ki Ceng Cabit abic kulu-ni, bibedo ber matek me tic macalo painia pi tutunu.

◼ Cakke i Febuari, ma nongo peya oo nino dwe 5 me Marci, wi lok me pwony ma kiyubo pi lwak ma laneno me adwol bitic kwede bibedo ni “Itwero Bedo ki Kwo me Kuc Kombeddi—Ki Dok pi Nakanaka!”

◼ Kacokke ducu myero dong gucak yubo yub me kwero nino me Nipo me mwaka-ni, nino man bibedo i Ceng Adek i nino dwe 12 me April ma nongo dong ceng opoto woko. Kadi bed ni kiromo cako miyo pwony man con, ento wot ki mugati ki vino i kin dano omyero ocakke ma nongo dong ceng opoto woko. Omyero wuniang cawa ma ceng poto kwede i kabedowu con. Kacokke acel acel omyero otemme me yubo yub me kwero nino me Nipo ma megi pat. Ento man kono kine mukene pe twerre. Ka ma kacokke mapol gitiyo ki Ot me Ker acel keken, kacokke acel nyo mukene-ni giromo pango kabedo mo mapat me tic kwede i otyeno meno. Ka twere omyero oter dakika ma romo 40 ka dok jo mukene gudony wek jo ducu gunong ber pa nino man. Omyero bene kipar pi dwong pa mutoka ki ka ma kibigwokogi iye, man kwako kelo ki dwoko jo mukene bene. Luelda omyero gumok yub ma rwatte ki kwo ma i kabedogi.

◼ Ka itye ki yub me cito i lobo ma woko ma man bimiyo icito i kacokke, gure, nyo gure madit me distrik me kunnu, omyero ipeny ngec ma dok i kom nino dwe, cawa, ki kabedo me yub magi ki bot jang gang kal ma neno wi tic me lobo meno. Canduk posta me jang gang kal nongo tye ma kiryeyogi i pot karatac me agikki i Yearbook me mwaka moni.