Kit me Nyuto Magajin

The Watchtower Nov. 15

“Pol pa dano giuro kit ma pekki ma dano gilimo tye ka doko rac medde ameda. In tika itamo ni tyen lokke obedo pi gin ma tyeng en-ni waco? [Kwan Niyabo 12:9. Ci imine kare wek ogam.] Magajin man loko i kom yo ma Larac tiyo kwede me rwenyo dano ki dok kit ma watwero jemo kwede i kome.”

Awake! Nov. 22

“Kadi bed ni cam ma kipwuru tye ma romo pito dano ma i wi lobo-ni ducu, ento dano ma romo milion 800 kulu cam pe romogi. Man pe obedo twon can madit atika? [Mine kare wek ogam.] Magajin man loko i kom peko ma tye ka doko dit me pito dano ma gitye i taun mogo madongo adada-ni. Loko bene i kom cikke ma tye i Baibul pi lobo ma bibedo labongo kec.” Kwan Jabuli 72:16a.

The Watchtower Dec. 1

“Ka dano guwinyo pi ‘Armagedon,’ ci polgi tamo ni obedo twon lweny mo ma bineko dano lumuku. [Nyut bok ma tye i pot karatac 3.] Twero bedo me ur boti me ngeyo ni Armagedon obedo gin maber loyo ma omyero otimme piwa aye doki? [Mine kare wek ogam.] Magajin man tito pingone.” Kwan 2 Petero 3:13.

Awake! Dec. 8

“Onongo amito wacci pi kare mo ma dano ducu gibibedo ki gangi mabeco adada. Ento pe tye me cwer cwiny tutwal kit ma jo mapol gitye ka kwo labongo gangi-gu? [Mine kare wek ogam. Ci ikwan Icaya 65:21, 22.] Magajin man tito gin ma okelo peko me bedo labongo gangi-ni. Tito bene kit ma Lubanga bicobo kwede cikkene ma pud waa ka kwanone akwana-ni.”