Kit me Nyuto Magajin

The Watchtower Mai 15

“In mono itamo ni lobo ma peko peke iye dok bibedo tye ada? [Mine kare wek ogam.] Tam kong lok i kom jami ma Lubanga ocikke pire. [Kwan Icaya 65:21.] Magajin me The Watchtower man tito kit ma Lubanga bicobo kwede cikkene ducu.” Yub yub me dok cen me gamo lapeny ni: Awene kono dong ma cikke man bicobbe iye?

Awake! Mai 22

“Dano mapol giwinyo ni tuko me ryeyo ler weko kom dano bedo yot, ento inongo ni polgi giwaco ni gin pe gituko tuko muromo me ryeyo ler. Pe tye kit meno? [Mine kare wek ogam.] Magajin man loko i kom ber pa bedo ka tuko kare ducu dok bene miyo tam i kom kit ma watwero nongo kwede kare me tuko kadi bed ni tic diyowa.”

The Watchtower Juni 1

“Kadi bed pol pa dano giloko pi kuc, ento ribo kin dano me lobbe mapat pat pud dong oloyo dano woko. In itamo ni man mono bitwere? [Mine kare wek ogam.] Magajin man loko i kom gamente mo ma twero ribo kin dano me lobbe ducu kacel.” Kwan Jabuli 72:7, 8, ka dong iyub yub me dok cen pi nyamo kit ma man bitimme kwede.

Awake! Juni 8

“In tika ingeyo ni dano mapol gitye ki par mada ni two kanca me del kom dong tye ka nya mapol ata? [Mine kare wek ogam.] Awake! man nyamo tyen lok mumiyo two man twero mako wa wan bene i kare-ni ki gin ango ma omyero watim me gwokke ki iye.” I agikkine, nywak kwede lok i kom cikke mamwonya ma tye i buk pa Yubu 33:25.