Nyamo Lok Ma Kipwonyo I Cukul Me Tiokraci

Lapeny magi kibinyamogi i Cukul me Tiokraci i cabit ma cakke i nino dwe 25 dwe me Angwen, mwaka 2005. Lador wi Cukul bitelo lwak pi dakika 30 i gamo lapeny i kom gin ma kipwonyogi cakke i cabit me nino dwe 7 me dwe me Adek me o kwede wa i cabit ma cakke i nino dwe 25 me dwe me Angwen, mwaka 2005. [Nge man: Omyero iyeny lagam me lapeny ma pe kicimo ka ma myero icit iye pi lagam, in kikomi.—Nen i buk me Ministry School, pote 36-7.]

DIRO ME LOK

1. Ka watye ka yubbe me pwonywa, yo ango ma watwero yubo kwede dul ma kimiyo ni wapwony-nyi maber, dok man pire tek pingo? [be pote 234 para. 1-3, i canduk]

2. Omyero mono walok ma rom mene i kom dul ma kimiyo ni wapwony? [be pote 234 para. 4–pote 235 para. 1]

3. I yo ango ma watwero tic kwede ki lapeny me wek jo ma watito kwena botgi gule tam kwedwa? (Tic 8:30) [be pote 236 para. 2-5]

4. Yo ango ma watwero tic ki lapeny me konyo jo ma wakwano kwedgi Baibul pe me kwano lagamgi akwana ento me gamone ki ‘wigi’? (Rom. 12:1) [be pote 238 para. 1]

5. Adwogi ango ma lapeny ma tye i Jo Roma 8:31, 32 ki Icaya 14:27 kelo? [be pote 239 para. 1-2]

PWONY ME 1

6. Wan watwero ‘keto Kricito calo te guti’ me ticwa me pwonyo dano nining? (1 Kor. 3:11) [be pote 278 para. 1-2]

7. Kit ma Jehovah dong otyeko omiyo twero me loc icing Wode i mwaka 1914, pingo dok pud walego ni ‘Ker meri obin’? (Mat. 6:9, 10) [be pote 279 para. 4]

8. Pingo Lukricitayo omyero guket cwinygi me ngeyo kwan, Yecu kono onyut o lanen maber i yo man nining? [w03 3/15 pote 10 para. 5; pote 12 para. 2]

9. I yo ango ma lanen pa Yocia ki pa Yecu konyo kwede bulu me dongo i yo me cwiny? [w03 4/1 pote 8 para. 3-4; pote 10 para. 3]

10. Pingo omyero waket genwa i kom Lubanga? (Car. 3:5, 6) [w03 11/1 pote 4 para. 6-7]

YUB ME KWANO BAIBUL PI CABIT DUCU

11. Pingo Anna olego ni Jehovah ‘omi teko bot kabakane’ i kare ma onongo pud pe kiketo kabaka mo pi loyo jo Icrael? (1 Cam. 2:10)

12. Pwony ango ma watwero nongone ki i kom jo Icrael i kare ma kibwoyogi kadi bed ni onongo gutero canduk me gicikke i dog lweny? (1 Cam. 4:3, 4, 10)

13. Pingo 1 Tekwaro 2:13-15 waco ni Daudi obedo wod pa Yece me abirone, kun ki tungcel, 1 Camuel 16:10, 11 waco ni obedo me aborone?

14. Kit “cen marac” ango ma obedo ka lanyo Kabaka Caulo? (1 Cam. 16:14)

15. Lok ma kitamo ni “Camuel” aye oloko kun tiyo ki ajwaka mo me En-dor, mono otimme ada? (1 Cam. 28:16-19)