LAPENY MA KIGAMO ME BAIBUL
Lobo-ni tika kicweyo ki tyen lok?
Lobo onongo kicweyo wek dano gubed iye ki yomcwiny
Lobowa-ni tye ma opore me gwoko jami makwo. Tye ki pii muromo, gin ma pire tek pi kwo. Kit ma lobo olenge kwede, kit ma tye ka wirre kwede, ki dong kit ma tye ka lworo kwede ceng konyo wek nam pe omakke pee nyo olyeti ci oduny woko. Yamo ma orumo lobo kacel ki teko pa cipak gwoko lobo ki i kom kwir marac. Kit ma lee kacel ki ginapita gijenge kwede i kom luwotgi tye me ur adada. Man oweko dano mapol dong giye ni lobowa giyubo ki tyen lok.—Kwan Icaya 45:18.
Ento iromo penye kekeni ni, ‘Tika deno can kacel ki tim maraco bene gitye but yub meno?’—Kwan Nwoyo Cik 32:4, 5.
Tika yub ma tye pi lobo-ni bicobbe?
Lobo-ni kicweyo me bedo paco pa dano ma giworo luwotgi dok gimaro Lacwecgi. Pi meno, kwo pa dano pire tek loyo kwo pa yadi nyo lee. Wan waromo niang anga ma Lacwecwa obedo dok watwero poro marre kacel ki ngolo koppe ma atir.—Kwan Latitlok 12:13; Mika 6:8.
Lacwecwa romo cobo yub ducu ma en tye kwede. Pi meno, watwero bedo ki gen ni en bijwayo deno can kacel ki tim maraco, ci dong weko lobo man bedo paco maber ma yomo cwiny dano.—Kwan Jabuli 37:11, 29; Icaya 55:11.