Kit ma itwero nongo kwede adwogi maber loyo ki i yub man me kwano Baibul
Mukwongo, kong wunyam wiye wiye lok i kom cal ma i pot karatac magi ci tuk VIDIO.
BUTE MUKWONGO
Me yubbe pi kwanni, kwan bute mukwongo. Lapeny ma kiketogi ki coc ma kikwoto (A) ki ginacoya (B) nyuto lok ma pire tek. Nge ni ginacoya mogo kiketo ni “kwan.”
BUTE MA I DYERE
Lok mukwongo (C) i te bute me Nong Ngec Matut tito gin ma kibinyamo i bute meno. Wi lok matino (D) ryeyo lok ma pigi tego. I cawa me kwan ki lapwonyi, kwan ginacoya, gam lapeny, dok inen vidio ma tye.
Bok me VIDIO ki DWAN MA KIMAKO ma i pwony acel acel konyi me niang matut jami ma itye ka pwonyo. Vidio mogo tito gin ma otimme i kwo pa dano. Mukene kituko calo goga dok pe nyuto jami ma otimme ada ento nyuto jami ma twero timme i kwo.
Nen cal kacel ki lok ma tito cal meno (E), dok itam i kom kit ma itwero gamo kwede lapeny ma tye i bute me Jo Mogo Giwaco Ni (F).
BUTE ME AGIKKI
Wot Wiye Wiye ki Ngo ma ipwonyo? (G) aye giko pwony acel acel. Co nino dwe ma ityeko pwony man iye. Gin me atima (H) wacci gin ma myero itim wek imedde ki nongo pwonnye. Tim Kwed (I) tye ki ngec mukene ma itwero bedo ki miti me kwanone nyo nenone.
Lok ma Tye Iye
|
|
|
|
|
Kit me nongo tyeng me Baibul
Baibul tye ki bukke 66 matinotino. Kipoko iye bute aryo: Ginacoya me leb Ibru (“Cik Macon”) ki Ginacoya me leb Grik (“Cik Manyen”).
Ka kiketo ginacoya mo i yub man me kwano Baibul, kiketo kun kicako ki nying buk me Baibul (A), ci cura (B), ka dong tyeng (C).
Me labolle, Jon 17:3 nyuto ni omyero iyab buk pa Jon, cura 17, tyeng me 3.