ZƐŊ-LƐƐI 11

Lonoɔ A Ilii Kelee

Lomaŋ 12:11

MƐNI-ŊUŊ: Nuai ya lonoi dipɔi lii kula a gɛɛ di mɛnii kɛ ya moi a lonoɔɔ a ilii kelee.

Ikili pu mɛnii ya moi su. Ya kɛ ikpiŋ kpɛtɛi a gɛɛ I nonoi tɛɛ, ikili-ŋa sia e pilaŋ mɛnii ilonoi kɛ a mɛni kpanaŋɔɔi ma. Kɔ I nonoi ya pa dɛɛi maa-kɔri kpɔ a nɛlɛɛ a gɛɛ I pɔri dɛɛi a ilii kelee.
Ikili-ŋa sia e pilaŋ diai diwoli tɔɔi yai dia. Ikili-ŋa sia e pilaŋ berei ma nuai da pai mɛni ɛlɛɛ sɔlɔ ɓoi la mɛnii su ya pai nonoi kpaa nɛi. Ikili-ŋa sia e pilaŋ bere sii takpɛni-ŋai dia ya pɔri dɛɛi la a gɛɛ nuai di ŋa kaa ma.
Lono a ilii kelee. Lono a iwoo tɛɛ ɣelei. Tii kɛ a iyee, ikpono da iŋɛi kpɛtɛ pere a gɛɛ I ikili-ŋa-siai lɛ e pilaŋ mɛnii ma ya moi.

Ife kɛ nɔ iyee kɛi kpaa iŋɛi kpɛtɛi a bere sii tɔnɔi a tãi kelee a gɛɛ nuai kili-ŋa fe pu. Iyee kpaa iŋɛi kpɛtɛ pere e mɛnii lɛ ya moi. Lono nɔ a ilii kelee ya kɛ mɛni-ŋuŋ-ŋai lɛi kpaa ya kɛ nua lii kulai a gɛɛ di mɛni da kɛ. Ife lono a ilii kelee kpaa iwoo tɛɛ ɣelei e siɣe nonoi kɔɔ-pilani e too gbɛɛ-ŋa ma a gɛɛ nuai fii fe kpɛɛ diwoli tɔɔi ya.