სქოლიო

c ეს. 35:5-10: თიმწკუმა ჸვერეეფს თოლსინთე ქუმაკათუნა დო ჸუნგეფი ქიგეგონენა; ⁶თიმწკუმა ქულა ირემცალო გილასხაპუნდას იჸი დო მუნჯიშ ნინა ხიოლით ქიმიოძახანს; წყარ გეშასოფუნს უდაბნოს დო მალწყარეფ — უწყარე ადგილს. ⁷ სინჩხეშე გინოჭვილ ხრიოკეფ წყარიშ გუბეთ გინირთუ, ხუმაფილ დიხა — წყურგილეთ გინირთუ. ტურეფიშ ომანეს, თინეფიშ მასვანჯებელ ადგილს, მწვანე ოდიარე გეგშურს ლერწამი დო პაპირუსწკუმა ართო. ⁸ გიკვალუ თექ შარა, თე შარას სიწმინდეშ შარა ქიგიადვალუ; თექ უწმინდურს ვეგლართე. თინა თინეფშო იჸუაფ, მით თე შარას მეჸუნს; ნამთინ უგუნურს ვეგლართე თექ. ⁹ ლომს ვეგლართე თექ დო ვართ შხვა მხეცის. ნამთინიშ ჭაჭანი ვეჸი თექ; ხვალე გიშაჸიდირებულეფ გილულა თექ. ¹⁰ იეჰოვაშ გიშაჸიდირებულეფ დირთუნა დო ხიოლით ქუმულა სიონშა. მარადიულო გახარებულეფ იჸუაფნა. ხიოლით ეიფშაფნა, წუხება დო გაჭირება მედინუ.