სქოლიო
b ლუკ. 10:29—37: 29 მარა თის დუდიშ გიშაღალა ოკოდ დო იესოს კითხ: „ქო მარა, მი რე ჩქიმ მოყვას?“. 30 იესოქ უპასუხ: «ართ კოჩ იერუსალიმშე იერიხონშა მიშჷ დო გიმარნაფალეფიშ ხეს ქეშალ. ბარგი გემკანწყეს, გოლახეს, მიდართეს დო გვერდო ღურელ ქიგლეტეს. 31 შემთხვევით თი შარას ართ მღვდელქ გემკორთჷ, ქოძირ თინა დო შარაშ მაჟია მხარეშა გეგნორთჷ. 32 თი ადგილს ლევიანქ ხოლო გემკორთ დო კოჩის თოლ ქუმუკინდუნ, შარაშ მაჟია მხარეშა გეგნორთჷ. 33 მარა შარას მიშუნ ფერ ართ სამარიელქ ქოძირ თინა დო გურქ დაჭვჷ. 34 ქიმერთ, ნაჭკირა ადგილეფ გუკირ, ზეთი დო ღვინ ქიგიობ, მუშ ორინჯის ქიგიოხუნუ თი კოჩ, სასტუმროშა მიდეჸონ დო ქიზრუნ თიშე. 35 მაჟია დღას ჟირ დინარ გელეღ, სასტუმროშ მინჯეს ქიმეჩ დო უწუ: „თე კოჩშა ქიმკომჯინ დო უმოს დეგეხარჯებუნ-და, დუნორთის გეგნოიგანქ“. 36 მუჭო ფიქრენქ, თე სუმშე ნამ რე გიმარნაფალეფიშ ხეს ინოლაფირ კოჩიშ მოყვას?». 37 თიქ უპასუხ: „თინა, ნამუთიქ ჭყოლოფა გიმირჩქინ“. იესოქ უწუ: „მეუ დო სი ხოლო თაშ მიქცი“.