სქოლიო

a 1 მეფ. 17:17—24: ¹⁷ თეშ უკულ მანგარო დელახ თი ოსურიშ ბოშიქ. შურიშ ღალა ხოლო მიოტუ. ¹⁸ ოსურქ ელიას უწუ: „ჭეშმარიტ ღორონთიშ კოჩ, მუ გოკო ჩქიმდა? თიშენ მორთიო, ნამდა დაშებულ ქუგომშინე დო სქუა დომჸვილე?“. ¹⁹ თიქ უწუ: „ქომუჩ სქან სქუა“. დიდას ხეშე გეგწუჸონ ბაღანა, ჟინ ოთახშა გეშეჸონ, სოდეთ მუ ცხოვრენდ დო მუშ ტახტის ქიგლასვანჯუ. ²⁰ იეჰოვას ლოცვათ ქოთხუ: „იეჰოვა, ჩქიმ ღორონთი, უბედრობას გიოტახანქო თე ქომონჯღურელ ოსურს, მიდგაშ ჸუდეს დუდ მაფ გითოფორაფილ დო სქუას უჸვილუნქო?“. ²¹ სუმშა ქიმნანჯირ ბაღანას დო იეჰოვას ლოცვათ ქოთხუ: „იეჰოვა ჩქიმ ღორონთი, დურთინე ბაღანას სიცოცხლე!“. ²² ქუმურჩქილუ იეჰოვაქ ელიას დო დურთინუ ბაღანას სიცოცხლე. ²³ გეჭოფ ელიაქ ბაღანა, თუდო გეგმიჸონ, დიდას ქიმუჸონ დო უწუ: „ცოცხალ რე სქან ბაღანა!“. ²⁴ ოსურქ ელიას უწუ: „ასე მიჩქ, ნამდა ჭეშმარიტ ღორონთიშ კოჩ რექ დო ჭეშმარიტ რე იეჰოვაშ სიტყვა, მუდგას იჩიებუქ“.