სქოლიო

b ლუკ. 16:1—4, 8, 9: ¹ უკულ იესოქ მუშ მოწაფეეფს უწუ: ართ მდიდარ კოც ჸუდეშ მართველ ჸუნდ, ნამუშ გურშენ ამბე ქიმუღეს, სქან ქონებას აოხრენსია. ² თიქ ქიჭანუ თინა დო უწუ: „თენა მუ გებგი სქან გურშენ? ჩუმაბარ სქან მართველობაშ ანგარიშ, ვეჸიქ ჸუდეშ მართველი“. ³ ჸუდეშ მართველქ იფიქრ: „მუ ვაკეთა? ჩქიმ პატონ მართველობას გემდამღანს. ბარუაშ დუდი ვა მიღ დო მათხირობაშა ონჯღორე მიჩქ. ⁴ მუჟამსით ჸუდეშ მართველობას გემდამღანან, მიჩქ, მუჭო მიფქცუე, კათაქ მუნეფიშ ჸუდეშა მემღასინ“. ⁸ პატონქ ქაცქუ ჸუდეშ უმართო მართველს, მუშენდა გურგოჩამილო მიქცუ. თე ქიანაშ სქუალეფ უმოს გურგოჩამილეფ რენა მუნეფიშ თაობაშ ხალხის, ვინემ სინთეშ სქუალეფი. ⁹ გირაგადუთ: გირჩქინით მეგობრეფ უმართო ქონებათ, ნამდა, მუჟამსით თინა ძალას მიოდინუანსინ, თინეფქ სამუდამო ოკვირდეშა ქიმეიღან.