მუ რე დიდ გაჭირება?

მუ პასუხის მარზენა ბიბლია

დიდ გაჭირება რე დროშ თიცალ პერიოდ, მუჟამსით ადამიანეფს დღას ვა ჸოფენ ფერ უბედრობეფ ქიგიოტირხუნა. ბიბლიურ წინასწარმეტყველებაშ თანახმას, თენა „ბოლო დღალეფს“ დო „უკანასკნელ დროს“ მოხვადუ (2 ტიმოთე 3:1; დანიელ 12:4). თიმ პერიოდის „იჸუაფ თიცალ გაჭირება, მუნერით ვა ჸოფე ქიანაშ გოჭყაფაშე ამდღარშახ დო ვართ უკულ იჸუაფ“ (მარკოზ 13:19; დანიელ 12:1; მათე 24:21, 22).

მოვლენეფ, ნამუთ დიდ გაჭირებაშ დროს მოხვადუ

• ტყურა რელიგიაშ მოსპუალა. ტყურა რელიგიეფ თოლიშ დოვალაფაშა მისპუ (გიმოცხადება 17:1, 5; 18:9, 10, 21). თის გაერთიანებულ ერეფიშ ორგანიზაციათ წარმოდგენილ პოლიტიკურ მმართველეფ განადგურენა, მუდგათ ღორონთიშ ნებას შეასრულენა (გიმოცხადება 17:3, 15–18).a

• ჭეშმარიტ რელიგიაშა გენთხაფა. ერეფიშ კოალიცია, ნამუთ ეზეკიელიშ ხილუას მოშინაფილ რე, მუჭოთ „გოგ, მაგოგიშ დიხაშე“, მინდომენს ჭეშმარიტ თაყვანიშმცემელეფიშ განადგურებას, მარა ღორონთ დოთხილანს მუშ ხალხის (ეზეკიელ 38:1, 2, 9–12, 18–23).

• ადამიანეფიშ გასამართლება. იესო გასამართლენს არძას დო „გეგშართუნს ადამიანეფს ართიანშე, მუჭოთ ჭყიშ გიშართუნს შხურეფს თხალეფშე“ (მათე 25:31–33). ადამიანეფ თიშ მიხედვით გესამართლებუნა, ქუკინენდეს დო ვარ ხუჯის იესოშ „ჯიმალეფს“, მით თიწკუმა ართო იმეფენა ზეცას (მათე 25:34–46).

• სამეფოშ მმართველეფიშ აკოშაყარუა. თი ართგურ მსახურეფ, მით ღორონთიქ თიშო გიშაგორ, ნამდა იესოწკუმა ართო იმეფან ზეცას, ღურაშ უკულ ზეცას ცხოვრებაშო გეთელებუნა (მათე 24:31; 1 კორინთელეფ 15:50–53; 1 თესალონიკელეფ 4:15–17).

• არმაგედონ. „ირფელიშშემალებე ღორონთიშ დიდ დღას“ [ომს], მაჟიანერო „იეჰოვაშ დღა“ ხოლო ჯოხო (გიმოცხადება 16:14, 16; ესაია 13:9; 2 პეტრე 3:12). თინეფ, მიდგას იესო ბრალს ქიგედვანს, არმაგედონს გენადგურებუნა (სოფონია 1:18; 2 თესალონიკელეფ 1:6–10). თეს გეძინელ, მისპუ მსოფლიო პოლიტიკურ სისტემა ხოლო, ნამდგას ბიბლია მიშინუანს, მუჭოთ შქვით დუდამ მხეცის (გიმოცხადება 19:19–21).

მოვლენეფ, ნამუთ დიდ გაჭირებაშ უკულ მოხვადუ

• სატანა დო დემონეფიშ ხვილუა. ძალიერ ანგელოზ სატანას დო თიშ დემონეფს „წკვარამს“ ქინაჸათანს, სოდეთ უმოქმედო მდგომარეობას იჸუაფუნა დო მითინშა მუთუნ ვა დაშებენა (გიმოცხადება 20:1–3). წკვარამ, სოდეთ სატანა იჸუაფ ინოჸოთამილ, მოგენს ციხეს; თევრეშე თის მითინშა დო მუთუნშა ვაღვენუ გავლენა (გიმოცხადება 20:7).

• ანთასწანიან მმართველობაშ დოჭყაფა. ქიდიჭყაფუ ღორონთიშ სამეფოშ ანთასწანიან მმართველობა, ნამუთ ულიებ კურთხევეფს მოუღანს მთელ კაცობრიობას (გიმოცხადება 5:9, 10; 20:4, 6). „ანაყუ ხალხ“, მით დიდ გაჭირებას გეგნიღანს, მუშ თოლით ქოძირუნს ანთასწანიან მმართველობაშ დოჭყაფას (გიმოცხადება 7:9, 14; ფსალმუნეფ 37:9–11).