ᲥᲘᲪᲮᲝᲕᲠ ᲥᲠᲘᲡᲢᲘᲐᲜᲣᲚ ᲞᲠᲘᲜᲪᲘᲞᲔᲤᲘᲗ

გაჩინებაფეთ გუმაჭყაფალ ღორონთ ვა წანსინ ფერ კათას

ნორღვენანო თიცალ სიტუაცია, ნამდა ვა უქადაგით ღორონთ ვა წანსინ ფერ პიროვნებას თი აზრით, ნამდა ვა მოირჩქილუანდეს? თაშ ქორენ-და, ვაგგოჭყორდან, ნამდა ბრელ ურწმუნო პიროვნებაქ, თინეფ შქას ათეისტიქ, გინირთჷ იეჰოვაშ მოწმეთ. ხშირას თინეფს ჭიჭე მოხვარა ოსაჭირ, ნამდა ქიდეჯერან ღორონთ არსებენსინ (რომ. 1:20; 10:14).

ᲥᲣᲯᲘᲜ ᲕᲘᲓᲔᲝᲡ „ᲥᲝᲠᲨᲣᲓᲐᲜ, ᲣᲠᲬᲛᲣᲜᲝ ᲙᲐᲗᲐᲡ ᲨᲔᲣᲚᲔᲑᲜᲐ ᲠᲬᲛᲔᲜᲐᲨ ᲒᲐᲕᲘᲗᲐᲠᲔᲑᲐ! — ᲐᲠᲐᲠᲔᲚᲘᲒᲘᲣᲠ ᲮᲐᲚᲮ“. ᲣᲙᲣᲚ ᲥᲣᲞᲐᲡᲣᲮ ᲗᲣᲓᲝ ᲛᲝᲩᲐᲛᲘᲚ ᲙᲘᲗᲮᲕᲐᲡ:

მუჭო მოხვარნა ტომასოშ შემთხვევა, ვეფიფქრათ, ნამდა ღორონთ ვა წანსინ ფერ ადამიანეფწკუმა ქადაგებას აზრ ვა უღჷ?

პასუხ

მუ შეილებ აკეთე

მუჟამსით პიროვნება გირაგად, ნამდა ღორონთ ვა წანს, გემუანო დო ტაქტიანო ქიმუდირთ; ქუმურჩქილე დო ქიგეგ, მუს ფიქრენს დო მუშენ უღჷ თეცალ აზრ (2 ტიმ. 2:24). თიცალ საკითხეფ გეგშაგორ ორაგადეთ, ნამდგაქ შილებე დაინტერესას. ნამ პუბლიკაციეფიშ ვარდა ვიდეოეფიშ გიმორნაფა შეილებ, მუჟამსით თინა მზათ რე, ქოძირას მტკიცებულებეფ, მუთ გუმაჭყაფალიშ არსებობას ამტკიცენს? მაგალთო, ბროშურეფ „მუშით გორჩქინდუო სიცოცხლექ?“ [ქორთ.] დო „სიცოცხლეშ გოჭყაფა — ხუთ კითხვა, ნამდგაშე ღირჷ დაფიქრება“ [ქორთ.]. თე ბროშურეფქ ქიგიაძინ „ოგურაფალ საშვალებეფს“, ნამდა ადვილო გეგმიბრინუათ.

მუჟამსით ღორონთ ვა წანსინ ფერ პიროვნებაწკუმა გაფჷ ორაგადე, შილებე დუდშე ჭიჭეს ნერვიანენდე. შეილებ ნამდგაინ გამოცდილ მაქადაგებელს ქოთხუე მოხვარა. თეწკუმა ართო, რშუდას, ნამდა იეჰოვა მიგეხვარებ, ქინანჭე თეცალ კათაშ გურს, გოკონ-და, დუდშე ვა წანდან, ნამდა თინა არსებენს (საქ. 13:48).