გაუჯგუშ მსახურება | გიღდან უმოს ხიოლ მსახურებას
გემშართით პიროვნებაშ მდგომარეობაშა
შხვეფიშ მდგომარეობაშა მიშულა რე უნარ, ქინანჭე, პიროვნებაშ ფიქრეფს, გრძნობეფს, ფასეულობეფს დო საჭიროებეფს. შხვეფ ხეთეშე გინაფლენა, მუჟამსით ვოცადუთ, გავუგათ. ადამიანეფიშ მოხვარა ქუმოკონან-და, აუცილებერ რე თე თვისებაშ გიმორჩქინა. მუჟამსით მსახურებაშ დროს ვოცადუთ შხვეფიშ მდგომარეობაშა მიშულას, მეპჸუნთ მოჸოროფე დო მზრუნველ ღორონთიშ, იეჰოვაშ, მაგალითის დო ხალხის თიწკუმა დაახლოებას ვოხვარუთ (ფილ. 2:4).
შხვეფიშ მდგომარეობაშა მიშულა უბრალოთ ჯგირ მანერეფს ვა ნიშნენს; თე თვისებას გიმიფრჩქინანთ ყურადღებათ მორჩქილაფათ, შურდოგურით ჩიებათ, ჯგირ დამოკიდებულებათ, ჟესტეფით დო სახეშ გამომეტყველებათ. ჩქი მთელ გურით ვორეთ დაინტერესებულ ადამიანეფით დო იფთვალისწინენთ თინეფიშ საჭიროებეფს, რწმენას დო მდგომარეობას. მართალ რე, ირნერო ვოცადუთ, ადამიანეფს მივეხვარათ დო გიმადირთუნან ფერ ინფორმაცია მივოჭირინუათ, მარა ოკო ვადვანძალათ თინეფს ცხოვრებაშ თირუა. მუჟამსით შხვეფ ჩქინდე მოხვარას ღებულენა, უმოს ხიოლით ვაგრძელენთ მსახურებას.
ქუჯინ ვიდეოს „გეგმოცადით ხიოლ მოწაფეეფიშ მომზადებაშ საქმეს — გაუჯგუშით მსახურებაშ უნარეფ — გემშართით პიროვნებაშ მდგომარეობაშა“. უკულ ქუპასუხ თუდო მოჩამილ კითხვეფს:
მუჭო მიშართჷ ნიტაქ ჯეიდიშ მდგომარეობაშა, მუჟამსით თიქ დეგვიანუ?
მუჭო მიშართჷ ნიტაქ ჯეიდიშ მდგომარეობაშა, მუჟამსით თიქ უწუ, ნამდა მანგარ გინოშულადირ რდუ დო ბიბლიაშ გურაფაშ დუდ ვა უღუდ?
მუჟამსით ადამიანეფიშ მდგომარეობაშა მიშურთჷ, ვოხვარუთ თინეფს, დეახლოვან იეჰოვას
მუჭო მიშართჷ ნიტაქ ჯეიდიშ მდგომარეობაშა, მუჟამსით თიქ უწუ, ნამდა მოწესრიგებულ პიროვნება ვა რდჷ?