ქიცხოვრ ქრისტიანულ პრინციპეფით
გეგმირჩქინით ჸოროფა ოჯახის
ჸოროფა წებოს მოგენს, ნამუთ ხეს უნწყუნს ოჯახიშ ართიანწკუმა დაახლოებას. ჸოროფაშ უმშო ძნელ იჸუაფ ოჯახის ართობა დო ართიანწკუმა თანამშრომლობა უღდას. მუჭო შეულებნა ქომონჯეფს, ოსურეფს დო მშობლეფს, გეგმირჩქინან ჸოროფა ოჯახის?
მოჸოროფე ქომონჯ ითვალისწინენს მუშ ოსურიშ საჭიროებეფს, შეხედულებეფს დო გრძნობეფს (ეფეს. 5:28, 29). თინა ზრუნენს მუშ ოჯახშო ფიზიკურო დო სულიერო. თეშ ართ-ართ საშვალება რეგულარულ ოჯახურ თაყვანიშცემაშ ჩატარება რე (1 ტიმ. 5:8). მოჸოროფე ოსურ მორჩილებას გიმირჩქინანს დო დიდ პატის ცენს მეუღლეს (ეფეს. 5:22, 33; 1 პეტ. 3:1—6). ჟირხოლო მზათ ოკო რდას მთელ გურით პატიებაშო (ეფეს. 4:32). მოჸოროფე მშობლეფ პირად ინტერესის გიმირჩქინანა თითოულ სქუაწკუმა დო ოცადნა, თინეფს იეჰოვა ქუჸოროფუან (კან. 6:6, 7; ეფეს. 6:4). თინეფქ ოკო დეფიქრან, მუ სირთულეეფს შეხვადნა ბაღანეფ სკოლას? მუჭო ობრძოლნა მუნეფიშ მახანეფიშ გავლენას? თაშ ნამდა, მუჟამსით ოჯახის ჸოროფა რე, თიშ არძა წევრ მშვიდას დო დაცულო გინაფლენს დუდის.
ქუჯინ ვიდეოს „გეგმირჩქინით ოჯახის ჸოროფა, ნამუთ დღას ვეთებუ“. უკულ ქუპასუხ თუდო მოჩამილ კითხვეფს:
მუჭო ოძირანს მოჸოროფე ქომონჯ, ნამდა აფასენს მეუღლეს დო ზრუნენს თიშო?
მუჭო ოძირანს მოჸოროფე ოსურ, ნამდა დიდ პატის ცენს მუშ მეუღლეს?
მუს ორთნა მოჸოროფე მშობლეფ, ნამდა „გონებაშა ქენუდვან“ სქუალეფს ღორონთიშ სიტყვა?