ჯგირ საქმეეფ, ნამუთ ირიათო სქიდუ

იეჰოვაშ არძა მსახურს შეულებ ღორონთიშ თოლს ჯგირ საქმეეფ აკეთას, ნამუთ ირიათო დოსქიდუ დო თე საქმეეფ მითინს ვა გაჭყორდუ. მოჸოროფე მშობელცალო, ნამუთ აფასენს დო დღას ვეჭყოლიდუანს თი ჯგირ საქმეეფს, ნამდგას მუშ სქუალეფ ორთნა, იეჰოვა ხოლო დღას ვეგიჭყოლიდუანს ჩქინ ხანდას დო ჸოროფას, ნამდგას თიშ სახელიშ გურშენ გიმიფრჩქინანთ (მათ. 6:20; ებრ. 6:10). მუშო ოკო რაგად, არძას შხვადოშხვა შესაძლებლობეფ დო მდგომარეობა მიღნა. მარა, იეჰოვაშ მსახურებას მუთ შემლებნან ირფელს ქუვორთუთ-და, ბედნერეფ იპჸუაფუთ (გალ. 6:4; კოლ. 3:23). ანთასობით და დო ჯიმა უკვე ბრელ წანა რე მუთ ბეთელს მსახურენს. ქეშეილებნანო ბეთელს იმსახურათ? თეშ კეთება ვეშეილებნან-და, შხვეფს ქიმეხვარით მიზანო უღდან ბეთელს მსახურება ვარდა ქიმეხვარით ბეთელიშ ოჯახიშ წევრეფს, გაგრძელან სპეციალურ სრულ დროთ მსახურება.

ქუჯინით ვიდეოს „ქეცად, ბეთელს იმსახურე“ დო უკულ ქუპასუხით თუდო მოჩამილ კითხვეფს:

• მუქ ოკო გინმოჭყვიდრაფუას ბეთელს მსახურება?

• მუს იჩიებ ნამთინე თი კურთხევეფშენ, ნამუთ ბეთელს მსახურებას მოჸუნს?

• მუ მოთხოვნეფს ოკო აკმაყოფილენდას პიროვნება, მიდგას ბეთელს მსახურება ოკო?

• მუ ოკო აკეთე, ბეთელს მსახურება ქუგოკო-და?