მუჭო ემზადებუთ გოშინაშ ონჯუაშო?

თე წანაშ დაჭყაფუს უმოს დრო მაღვენუნა, მივემზადათ ქრისტეშ ღურაშ გოშინაშ აღნიშნებელო. გოშინაშ ონჯუაშ აღნიშნებაქ შკამარას ქუმუხვად-და, თი მარას ცხოვრება დო მსახურებაშ შეხვალამა ვეჩეტარებ. მარა თე ღონისძიებაქ საბატონს ვარდა ჟეშხას ქუმუხვად-და, თი მარას ვეჸუაფ საჯარო მოხსენებაშ დო „გინაჯინალ კოშკიშ“ შეხვალამა. გეგმირინუანთო თე დროს არძაშ უჯგუშო? მუჭოთ პირველ საუკუნეს, თეშ ასე ხოლო, საჭირო რე ჯგირო მივემზადათ თე განსაკუთრებულ ღონისძიებაშო (ლუკ. 22:7—13; km 3/15 1). ათეშენ საჭირო რე მუვამზადათ ჩქინ გური. მუჭო შემლებნა თეშ კეთება?

• დეფიქრ, მუსხით მნიშვნელოვან რე დასწრება (1 კორ. 11:23—26).

• ქილოც დო დეფიქრ იეჰოვაწკუმა სქან ურთიერთობაშე (1 კორ. 11:27—29; 2 კორ. 13:5).

• წეკითხ თი პუბლიკაციეფ, სოდეთ გარჩიებულ რე გოშინაშ ონჯუაშ მნიშვნელობა დო დეფიქრ ნაკითხერშე (იოან. 3:16; 15:13).

ნამთინე მაუწყებელ კითხულენს „წმინდა წერილეფიშ ირდღაშიან გარჩიებას“ გოშინაშ ონჯუაშო მოჩამილ ბიბლიურ მუხლეფს. შხვეფ თაქ მოჩამილ დიაგრამაშ გეგმას გიმირინუანა. ნამთინე „გინაჯინალ კოშკიშ“ სტატიეფს კითხულენს, მუთ გოშინაშ ონჯუას დო თი ჸოროფას ოხუ, ნამუთ იეჰოვაქ დო იესოქ გიმირჩქინეს ჩქინწკუმა. ჟიშე მოშინაფილ თითოულ საშვალება მიგეხვარებ, უმოსო დეახლოვე იეჰოვას დო იესოს.