კითხვა დო პასუხი

მუ ოკო ვაკეთე, მუჟამსით ბიბლიურ კითხვა მირჩქინდუ ვარდა პრობლემაშ გინაჭკირალო რჩევა მოსაჭირ?

▪ იგავეფიშ 2:1—5 არძას მარზენა რჩევას, ნამდა გაგებაშ უნარ დო გურგოჩამილობა „ჩუალირ განძიცალო“ დობგორათ. თენა ნიშნენს, ირნერო ქივეცადათ ბიბლიურ კითხვეფშე პასუხიშ მეღებას დო ჩქინ პრობლემეფიშ გურშენ ინფორმაციაშ გორუას. მუჭო შემლებნა თეშ კეთება?

ართ-ართ ჩქინ წიგნის (მიიღე განათლება თეოკრატიული მსახურების სკოლაში) 33—38 გვერდეფს მოჩამილ რე თემა, სოდეთ ეთმინწყუმუ, მუჭო ოკო გიმიპრკუათ შხვადოშხვა საკითხი თი საშვალებეფით, ნამუსით ართგურ დო გონიერ მონაშე ბღებულენთ (მათ. 24:45). თე წიგნიშ 36-ა გვერდის ჩიება მეურს „გინაჯინალ კოშკიშ პუბლიკაციეფიშ საძიებელიშ“ გიმორნაფაშ გურშენ, ნამუთ ჟირ ნაწილშე, საგნობრივ დო ბიბლიურ მუხლეფიშ საძიებელშე შითმოდირთუ. თენა მოხვარნა ძირითად სიტყვეფიშ ვარდა ბიბლიურ მუხლეფიშ საშვალებათ ჩქინო საინტერესო მასალა ქობძირათ. გეგმირჩქინით მოთვინება, მუჟამსით კონკრეტულ პასუხის ვარდა მითითებას გორუნთ. ვაგგოჭყორდან, თქვა გორუნთ „ჩუალირ განძის“, ნამუშ გორუა დროს დო ენერგიას ითხინს.

მუშო ოკო რაგად, ნამთინე საკითხი ვარდა ბიბლიურ მუხლი, ჩქინ პუბლიკაციეფს პირდაპირ ვა რე ენწყუმილი. თიმწკუმა ხოლო, მუჟამსით ნამთინე ბიბლიურ მუხლი ეთმინწყუმუნ, შილებე თქვა გოინტერესნან თი მხარეთ ვა რდას გარჩიებული. თეს გეძინელ, ნამთინე ბიბლიურ მონაკვეთ კითხვეფს ორჩქინანს, მუშენდა წმინდა წერილეფს არძა დეტალ ვა რე მოშინაფილი. ათეშენ, არძა კითხვაშე ხეთეშე ვემმაღებენა პასუხი. თეცალ დროს, დუდ ოკო ეუჩილითუათ ჩქინ ვარაუდეფიშ რაგადის თიცალ საკითხშე, ნამგდაშე ზუსტი პასუხი ვა მიჩქუნა. თეგვარო ვაბნირზენთ „გიმარკვიებელ კითხვეფშე . . . თიშ მანგიორო, ნამდა ვეცადათ თი ირფელიშ გავრცელებას, ნამუთ ღორონთშე რე“ (1 ტიმ. 1:4; 2 ტიმ. 2:23; ტიტ. 3:9). ვართ ფილიალშე დო ვართ მსოფლიო მთავარ სამმართველოშე ვემმაღებენა თიცალ კითხვეფიშ პასუხი, ნამუთ ჩქინ პუბლიკაციეფს ვა რე გარჩიებული. კმაყოფილეფ ოკო ვორდათ თით, ნამდა ბიბლია სწორ შარას გიმორნუანა დო მოსაჭირნან ფერ ინფორმაციას მარზენა. თეს გეძინელ, წმინდა წერილეფს ნამთინე საკითხი დეტალურო ვა რე გარჩიებულ, მუთ მარზენა თიშ საშვალებას, ღორონთიშ რწმენა უმოსო გუვავითარათ (ქოძირით წიგნი „დაუახლოვდი იეჰოვას“, გვერდეფი 185—187).

მუშ რაგად შილებე თიმწკუმა, მუჟამსით ირფელ გეგმირკვით თი პრობლემაშენ, ნამუთ თქვა გაწუხენდეს, მარა საჭირო მითითება იშენით ვა ძირით? თე დროს ვემგერიდან მოწიფულ თანაქრისტიანშა, მაგალთო თქვან კრებაშ უხუცესშა მეულაქ. თინეფს ჯგირო უჩქუნა ბიბლია დო ქრისტიანულ ცხოვრებაშ გამოცდილება ხოლო უღნა. მუჟამსით პრობლემაშ გინოჭკირუა გოკონა ვარდა მუდგარენ საკითხი გაფნა გინაჭყვიდრალინ, თინეფს შეულებნა მიგეხვარან, მუშენდა ჯგირო გიჩინენა, ხოლოს რენა თქვანწკუმა დო უჩქნა თქვან მდგომარეობა. ირიათო ქორშუდან, ლოცვას ქუწით იეჰოვას თქვან ოწუხებელ დო ქოთხით, ნამდა წმინდა შურქ თქვან ფიქრეფს სწორ მიმართულება ქიმეჩას, „მუშენდა იეჰოვა ირზენს სიბრძნეს . . . დო გურგოჩამილობას“ (იგავ. 2:6; ლუკ. 11:13).