მუს ნიშნენს დეფცვათ ნეიტრალიტეტ?

იესო ოგურუანდჷ, ნამდა მუშ მიმაჸუნალეფ ოკო ვა ჸოფედესკო „ქვეყნიერებაშ ნაწილ“ (იოანე 15:19). თეშა მიშურს, დეფცვათ ნეიტრალიტეტ — ვემშაფრთათ პოლიტიკაშა ვარდა ხუჯ ვა დუკინათ ომეფს. სიმართლე ქოფთქუათინ, თეშ კეთება ირო ვა რე ადვილ, მუშენდა ადამიანეფქ თეშ გურშენ შილებე ქიგმაძიცუან. მუჭო შემლებნა დეფცვათ ნეიტრალიტეტ დო დოფსქიდათ ღორონთიშ ართგურეფქ?

1. მუჭო უჯინენა ნამდვილ ქრისტიანეფ ადამიანურ მთავრობეფს?

ქრისტიანეფ პატის ცენა მთავრობეფს. ჩქი მეპჸუნთ იესოშ ნარაგადის: „კეისარიშ კეისარს ქიმეჩით“. თეშნერო ვომორჩილუთ ჩქინ ქიანაშ კანონეფს, მუნერით რე გინაგაფალეფიშ გაფა (მარკოზი 12:17). მუჭოთ ბიბლია მოგურუანა, ადამიანურ მთავრობეფ ხვალე თი მიზეზით არსებენს, ნამდა იეჰოვა არზენს თინეფს მართველობაშ უფლებას (რომაელები 13:1). ათეშენ, მარჩქილენა, ნამდა ადამიანურ მთავრობეფს შეზღუდულ, ღორონთშე ბრელით ნაკლებ ძალაუფლება უღნა. ჩქი იეჰოვას დო თიშ ზეციერ სამეფოს ვონდუთ, ნამდა გეგნოჭკირუნს კაცობრიობაშ პრობლემეფს.

2. მუჭო შემლებნა ნეიტრალიტეტიშ დაცვება?

იესოცალო, ჩქი ხოლო ვემშურთ პოლიტიკაშა. მუჟამსით ხალხიქ იესოშ კეთებულ ართ-ართ სასწაულ ძირჷ დო ეცად თიშ გამეფებას, იესოქ თეშ უფლება ვემეჩ თინეფს (იოანე 6:15). მუშენ მიქცუ თაშ? თიქ უკულ თქუ: „ჩქიმ სამეფო თე ქვეყნიერებაშ ნაწილ ვა რე“ (იოანე 18:36). ჩქი იესოშ მოწაფეეფ ვორეთ, ათეშენ შხვადოშხვა სიტუაციეფს ნეიტრალიტეტის გიმიფრჩქინანთ, მაგალთო, ვა ბღებულენთ მონაწილებას ომეფს (წეკითხით მიქაშ 4:3). ჩქი პატის ფცენთ სახელმწიფო სიმბოლოეფს, მაგალთო დროშას, მარა თაყვანს ვა ფცენთ თინეფს (1 იოანე 5:21). თეს გეძინელ, ნამთინ პოლიტიკურ პარტიას ვარდა კანდიდატის ვა ვუკინენთ ხუჯის. თე დო შხვა სიტუაციეფს, ვოძირანთ, ნამდა სრულას ვორეთ იეჰოვაშ მთავრობაშ, თიშ სამეფოშ, ართგურეფ.

ქიგეგით უმოს

3. ჭეშმარიტ ქრისტიანეფ ნეიტრალურეფ რენა

იესო დო თიშ მიმაჸუნალეფქ მაგალით დომტუეს. წეკითხით რომაელეფიშ 13:1, 5—7 დო 1 პეტრეშ 2:13, 14. უკულ, ქოძირით ვიდეო დო გარჩით თუდო მოჩამილ კითხვეფ.

ვიდეო: „ჭეშმარიტ ქრისტიანეფ ნეიტრალურეფ რენა“ — ნაწილ 1 (4:28)

• მუშენ ოკო ფცათ პატი ადამიანურ მთავრობეფს?

• მუჭო შემლებნა ვოძირათ, ნამდა ვომორჩილუთ თინეფს?

ნამთინე სახელმწიფოქ ომიანობაშ დროს შილებე თქუას, ნამდა ნეიტრალიტეტის იცვენს, მარა ომიშ დროს ჟირხოლო მხარეს ქუდუკინას ხუჯ. სინამდვილეს, მუს ნიშნენს ნეიტრალიტეტიშ დაცვება? წეკითხით იოანეშ 17:16. უკულ ქოძირით ვიდეო დო გარჩით თუდო მოჩამილ კითხვა.

ვიდეო: „ჭეშმარიტ ქრისტიანეფ ნეიტრალურეფ რენა“ — ნაწილ 2 (3:11)

• მუს ნიშნენს ნეიტრალიტეტიშ დაცვება?

მუჭო ოკო მიქცუათ, მუჟამსით მთავრობა თიცალ მუდგარენიშ კეთებას რთხინა, მუთ ოწინააღმდეგ ღორონთიშ კანონს? წეკითხით საქმეეფიშ 5:28, 29. უკულ ქოძირით ვიდეო დო გარჩით თუდო მოჩამილ კითხვეფ.

ვიდეო: „ჭეშმარიტ ქრისტიანეფ ნეიტრალურეფ რენა“ — ნაწილ 3 (1:18)

• ღორონთიშ კანონ დო მთავრობაშ კანონ ართიანს ქაწინააღმდეგუნ-და, ნამუს ოკო დევემორჩილათ?

• თქვან აზრით, ნამ სიტუაციეფს შილებე ქრისტიანქ ვა დემორჩილას მთავრობას?

4. რდათ ნეიტრალურეფ ფიქრეფით დო საქმეეფით

წეკითხით 1 იოანეშ 5:21. უკულ ქოძირით ვიდეო დო გარჩით თუდო მოჩამილ კითხვეფ.

ვიდეო: „ნამდვილ ქრისტიანეფს გაბედულება ოსაჭირნა ნეიტრალიტეტიშ დაცვებელო“ (2:49)

• მუშენ ვემშართჷ აიენგექ პოლიტიკურ პარტიაშა დო მუშენ ვემიღ მონაწილება თიცალ ეროვნულ ცერემონიეფს, მუნერით რე დროშაშა სალამიშ მეჩამა?

• მუჭო ფიქრენთ, გონივრულო მიქცუო თიქ?

ხოლო მუ სიტუაციეფს შილებე გიმიცადას ჩქინ ნეიტრალიტეტიქ? ქოძირით ვიდეო დო უკულ გარჩით თუდო მოჩამილ კითხვეფ.

ვიდეო: «მუ დიბგურეთ „გინაჯინალ კოშკშე“ — დეცვით ნეიტრალიტეტ თე გორთილ მსოფლიოს!» (5:16)

• მუჭო დეფცვათ ნეიტრალიტეტ საერთაშორისო სპორტულ ღონისძიებეფიშ დროს?

• მუჭო დეფცვათ ნეიტრალიტეტ თიმწკუმა ხოლო, მუჟამსით პოლიტიკოსეფიშ გადაწყვეტილებეფ პირადო მოხუნა?

• მუჭო შილებე ახალ ამბეეფიშ მორჩქილაფაქ ვარდა შხვეფიშ ნარაგად ინფორმაციაქ იმოქმედას ჩქინ ნეიტრალიტეტშა?

დასკვნა

ქრისტიანეფ ირნერო ოცადნა, მუნეფიშ ფიქრეფით, სიტყვეფით დო საქმეეფით დეცვან პოლიტიკურ ნეიტრალიტეტ.

გამეორებელ კითხვეფ

• მუ მოვალნა მთავრობაშ წოხოლე?

• მუშენ ვორეთ პოლიტიკურო ნეიტრალურეფ?

• მუ სიტუაციეფს შილებე გიმიცადას ჩქინ ნეიტრალიტეტიქ?

დამატებით მასალა

მუ მსხვერპლშა შილებე მაჸუან ოულარქ ნეიტრალიტეტიშ დაცვებელო?

„იეჰოვას ჩქი დღას ვემუტებუთ“ (3:14)

მუშ კეთება შეულებნა ოჯახეფს, ნამდა წინასწარ მემზადან თიცალ სიტუაციეფშო, მუჟამსით შილებე თინეფიშ ნეიტრალიტეტიქ გეგმიცადას.

„ქიდეცვ ნეიტრალიტეტ შხვადოშხვა სიტუაციეფს“ (4:25)

მუშენ ვა რე სამშობლოშ დაცვება არძაშ უდიდაშ პატი, ნამუთ შილებე პიროვნებას უღდას?

„ღორონთშო ირფელ შეიოლებერ რე“ (5:19)

ქიგეგით, მუ ოკო აკეთათ, ნამდა ვეჸუათ „ქვეყნიერებაშ ნაწილქ“, მუჟამსით სამუშაწკუმა დაკავშირებით გადაწყვეტილებას ღებულენთ.

„თითოულს მუშ ოღალ გილუღ“ („გინაჯინალ კოშკი“ 15 მარტი, 2006 წ.)