გაკვეთილი 14

მთავარ აზრეფშა ხაზიშ გოსუმალა

ებრაელები 8:1

მთავარ აზრი: ქიმეხვარ აუდიტორიას, ქიმიაჸუნან მსჯელობაშ თემას დო ქაძირე, მუჭო ოკავშირ თითოულ მთავარ აზრი ორაგადე თემას.

მუჭო შეილებ თეშ კეთება:

გიღდას კონკრეტულ მიზან. დეფიქრ, მუ რე მოხსენებაშ მიზან: ინფორმაციაშ გინოჩამა, მუდგარენშა დარწმუნება დოვარ ქიმეხვარას თინეფს, გეგნოდგან ნაბიჯ. გეთვალისწინ თენა მოხსენებაშ დროს. დერწმუნ, ნამდა მთავარ აზრეფ მიგეხვარებ მიზანიშ მეჭირნაფას.

ქოკითხ სქან დუც: „მუ კითხვეფ ვარდა საწინააღმდეგო აზრეფ შილებე უღდას აუდიტორიას თე საკითხიშ გურშენ? მუნერ თანმიმდევრობათ დასვენა თე კითხვეფს დო გიმოხანტუნა საწინააღმდეგო აზრის?“. თეშ უკულ, თე თანმიმდევრობათ ქუდანწყი აზრეფ. თეშნერო აუდიტორია გეგაჸუნუ მსჯელობას დო ქინანჭუ ინფორმაციას.
ხაზ გუსვ მოხსენებაშ მთავარ აზრის. მოხსენებაშ დროს გემეორ მთავარ სიტყვეფ ვარდა სინონიმეფ დო თეშნერო ხაზ გუსვ მთავარ აზრის.
მთავარ აზრეფ გასაგებო გეგნოჩ. ხვალე თი აზრეფ ქოთქვი, ნამუთ თემაწკუმა რე დაკავშირებულ დო თემაშო გიშართილ დროს ვეგნაჩილითუა. ბრელ მთავარ აზრ ვემიშინუა დო გასაგებო გეგნოჩ თითოულ მთავარ აზრ. სოიშახ ახალ აზრშა გინურდენ, გაკეთ პაუზა დო ლოგიკურო გინილ ართ აზრიშე მაჟიაშა.

შეილებ რაგადიშ დაჭყაფუს ქიმიშინუე მთავარ აზრეფ. თენა მეხვარებ აუდიტორიას ქიმიაჸუნას მსჯელობას. თეს გეძინელ, შეილებ მოხსენებაშ ბოლოს გემეორე მთავარ აზრეფ, მუთ მეხვარებ აუდიტორიას თინეფიშ დამახსოვრებას.