ღორონთიშ მსახურიშ ლოცვა

1. იეჰოვა, რექ ჩქინ ძვირფას მუმა,

მთელ გურით რთხინთ, ქიმირჩქილე ჩქინ ლოცვა.

სქან სახელ წმინდა რდას, ბლოცულენთ

დო სქან სამეფოქ მორთას, თეს რთხულენთ.

შეასრულენქ სქან ნებას

დო ქუმომღანთ დიდ ხვამას.

2. იეჰოვა, დიდო მარდულ ვორეთ

არძა ძღვინშე, ნამუთ ჩქინო ძვირფას რე —

სი მარზენთ დღაშ სინთეს, სიცოცხლეს,

სქანდე მოურს დიდ რჩქინა დო სიბრძნე.

ვორწყეთ სქან დიდ ჸოროფას,

გადიდენთ, გოცქვანთ ირდღას.

3. მთელ ქიანას რე ბრელ ოწუხებელ,

დიდ რწმენათ დო იმენდით მიგოჯინეთ.

სქანდა მაფნა ირფელ მენდებულ,

დღას ვადომტენთ, ირო ქელამდირთუთ.

მუმა, რთხინთ, ქომჩათ ძალა,

შევასრულათ სქან ნება.