მუჭო ოხვარნა უხუცესეფი კრებას?

ჩქი ვა პჸუნა სამღვდელოება, ნამუთ ხელფასის ეთმოჭოფუნს. ქრისტიანულ კრებას ქომოლკათას თიშენ ნიშნენა ზედამხედველეფო, ნამდა „დოჭყიშან ღორონთიშ კრება“. თენა ზუსტას თიშნერო რე, მუჭოთ პირველ საუკუნეს ქრისტიანულ კრებაშ დაარსებაშ დროს რდუ (საქმეები 20:28). თე ზედამხედველეფი, ნამუთ უხუცესეფო მსახურენა, სულიერო მოწიფულ ქომოლკათა რენა, ნამუთ კრებას ჭყიშუნა „ხიოლით დო ვართ ნანძალუო, გურგედვალირო დო ვართ უპატიოსნე შემოსავალიშ ჸოროფათ“ (1 პეტრე 5:1—3). მუ საქმეს აკეთენა თინეფ ჩქინ საჯგირობუოთ?

ჩქინო ზრუნენა დო ფთხილანა. უხუცესეფი ხენჯღვერანა კრებას დო სულიერო თხილანა. თინეფს არჩქილენა, მუშმადიდა საპასუხისმგებლო საქმეშა მეუკიდუნა ხე, ნამუთ ღორონთიქ მიანდუ. ათეშგურშენ უხუცესეფი უნჩაშეფცალო ჟიშე ვეგნმაჯინენა თიშ ხალხის, თინეფს მუნეფიშ ძალა და ენერგია ვაზოგუნა თინეფიშ ჯგირობუაშო (2 კორინთელები 1:24). მუჭოთ ჭყიშ ზრუნენს თითოულ შხურშო, თეშ უხუცესეფ ხოლო ოცადუნა კრებაშ თითოულ წევრის ქიმიაქცუან ყურადღება (იგავები 27:23).

მოგურუანა ღორონთიშ ნებაშ შესრულებას. უხუცესეფი ირ მარას ხენჯღვერანა კრებაშ შეხვალამეფს, ნამუთ რწმენას მიმანგარენა (საქმეები 15:32). თე ართგურ ქომოლკათა ქადაგებაშ საქმეს ხოლო ხენჯღვერანა, თანამშრომლენა ჩქინწკუმა დო მოხვარნა მსახურებაშ არძანერ სფეროს გევუჯგუშათ.

გურშა ელამკინანა. იეჰოვას უმოსო დევეახლოვათი თიშენ, კრებაშ უხუცესეფი ჸუდეშა მუმაკითხანა, სამეფო დარბაზის დომრაგადუანა დო გურშა ელამკინანა ბიბლიაშ გიმორინაფათ (იაკობი 5:14, 15).

კრებაშ საქმეეფს გეძინელ, უხუცესეფიშ უმენტაში მუშენს დო ოჯახიშ საქმეეფს ხოლო ორთუ, ნამუთ დროს დო ენერგიას თხულენს. თეცალ მოხანდე ჯიმალეფი მართალო იმსახურენა პატიცემას (1 თესალონიკელები 5:12, 13).

• მუ ოვალუნა უხუცესეფს კრებას?

• მუჭო მაქციენა ყურადღებას უხუცესეფი თითოულ ჩქინთაგანს?