არძაშ ჯამრთელობას ღორონთიშ სამეფო მიკაჯინე

„კოვიდ-19-შ გურშენ გლობალურ საგანგებო მდგომარეობაქ გეთუ, მარა თენა ვა ნიშნენს, ნამდა გლობალურ საფრთხე თებულ რე  ახალ პანდემია კარს ქუმკომხაკუანან, ჩქი მზათ ოკო დოფხვადათ“ („ჯანდაცვაშ მსოფლიო ორგანიზაციაშ“ დირექტორ, ტედროს ადანომ გებრეისუს, 22 მეს, 2023 წანა).

ბრელ ამდღა ხოლო ობრძოლ კოვიდ-19-შ შედეგო მეღებულ ფიზიკურ დო მენტალურ ჯამრთელობაშ პრობლემეფს. ქორენანო ხელისუფლებეფ დო ჯანდაცვაშ ორგანიზაციეფ მზათ ანწიან პანდემიაშო ვარდა ქეშულებუნანო თი ჯამრთელობაშ პრობლემეფიშ მოგვარება, ნამუთ ამდღა მიღუნა?

ბიბლია მეჩიებუნა თი ხელისუფლებაშ გურშენ, მით იზრუნენს ჩქინ ჯამრთელობაშე. თექ ჭარჷ: „ზეციერ ღორონთ დამყარენს სამეფოს“, შხვა სიტყვეფით ქოფთქუათინ, ხელისუფლებას (დანიელი 2:44). თე ხელისუფლებაშ დროს „ნამთინ მახორუ ვა თქუანს გლახათ ვორექია“ (ესაია 33:24). არძა გეხარენს ჯგირ ჯამრთელობათ დო ახალგაზრდულ ძალეფით (იობი 33:25).