მამზადით გურიშემაკინალ კომენტარეფ

კრებაშ შეხვალამეფს მიღუნა პატი, და დო ჯიმალეფს ჩქინ კომენტარეფით გურშა ელუკინათ (ებრ. 10:24, 25). მუჭო შემლებუნა მუვამზადათ თიცალ კომენტარეფ, ნამუთ გურშა ელუკინანს შხვეფს?

• ქილოცით. იეჰოვას ქოთხით, ქიმგეხვარან, მამზადათ თიცალ კომენტარ, ნამუთ განადიდენს თის დო გურშა ელუკინანს და დო ჯიმალეფს (ფსალმ. 35:18).

• ქეცადით, უბრალოთ აბზაცშე ვეშეკითხათ პასუხ. შხვეფშა ჯგირო მოქმედენს, მუჟამსით კითხვას თქვან სიტყვეფით არზენთ პასუხის, მუშენდა თაშ თქვან რწმენას გიმოხანტუნთ.

• ვაკეთათ გინძე კომენტარეფ. უმენტაშო კუნტა დო მარტივ კომენტარეფ უმოს გურიშემაკინალ რე დო თეთ შხვეფს ხოლო ერზიებუნა მონაწილებაშ მეღებაშ საშვალება (იგავ. 10:19).

• დადებითშა გამახვილით ყურადღება. კომენტარიშ კეთებაშ დროს კრებას ვარდა თანაქრისტიანს რჩევა ვემეჩათ დო მითინ ვა გაკრიტიკათ.

კომენტარიშ რაგადიშ საშვალებაქ ვემგაჩეს-და, იშენით შეილებუნა გურშა ელუკინათ შხვეფს. მუჭო შეილებუნა თეშ კეთება? ქურჩქილით ყურადღებათ შხვეფიშ კომენტარეფს დო ქაცქვეთ თინეფს მუნეფიშ კომენტარეფიშ გურშენ (იგავ. 10:21).