მანაენ – პირველ ადგილს გიორინეთ იეჰოვაშ მსახურება

მანაენ პირველ საუკუნეშ ანტიოქიაშ კრებას ხელმძღვანელ ჯიმალეფშე ართ-ართ რდჷ. თის „განათლება გამგებელ ჰეროდეწკუმა აფუდ მეღებულ“ (საქ. 13:1). თაშ ნამდა, თის დიდ განათლება უღუდ დო თეწკუმა ართო, შილებე ქონებიერ ოჯახის ხოლო ირდუდუკო.

რახანს მანაენ თეცალ განათლებურ რდჷ დო შილებე ქონებიერ ოჯახის ირდუდუკო, შეულებუდ ბრელ მუდგარენს მიოჭირინუკო ცხოვრებას, მარა ისხუნუ, ქრისტიანო გინირთუკო დო ემსახურუკო კრებას. თის ვართ მუშ განათლება დო ვართ გავლენიან ხალხწკუმა კავშირეფ გიმურინუაფ მუშ სამოგებოთ. თეშ მანგიორო, დუდის ვა ზოგენდჷ და დო ჯიმალეფშო.

მანაენიშ მაგალითშე ვორწყეთ, ნამდა იეჰოვაშ მსახურება უმოს მნიშვნელოვან რე, ვინემ სატანაშ ქიანას სახელ დო ქონებაშ თხოზინ. მანაენცალო ჩქი ხოლო ცხოვრებას პირველ ადგილს იეჰოვაშ მსახურება ოკო გემირდან (მათ. 6:33). თეს გეძინელ, მართალ რე, ვაფასენთ განათლებას, მარა „გურ [ოკო] ქუგუჩათ, მუ რე უმოს მნიშვნელოვან“ დო მუთუნ ვეფცილუათ იეჰოვაშ მსახურებაშ ცხოვრებას ირფელიშ წოხოლე გერინაფას (ფილ. 1:9, 10).