მუ მიგეხვარებ, ირ მარას გიღუდას პირად გურაფა?

ᲮᲝᲛ ვაიჭირს, ირ მარას გიღუდას პირად გურაფა დო თე პროცეს სასიამოვნო რდასჷ სქანო? თენა კანკალეშა არძას მაღოლენა. მორთ დეფიფქრათ შხვა საქმეეფშე, ნამდგას ირდღას ვორთუთ, მაგალთო ბონუა. ბონუას ხოლო ოსაჭირ დრო დო მონდომა, მარა წყარიშ გინოლუაფას ჭყანაშა მოჸუნს კოჩ. ბიბლიაშ გიმორკვიებაქ ხოლო შილებე თეშნერო ჭყანაშა მომიჸონან (ეფეს. 5:26). მორთ ასე გუვარჩუათ მუსხირენ რჩევა, მუთ თე კუნთხუთ მიგეხვარებ:

• დაგეგმ. პირად გურაფა ართ-ართ მნიშვნელოვან საქმე რე, ნამდგას არძა ქრისტიან ოკო ორთუდას (ფილ. 1:10). პირად გურაფაშ დროქ ვეგშქოჭყორდასინ, ქარღადის ქიგიოჭარ დღა დო საათ დო სოდგაინ თოლშამალაფარ ადგილს ქუდოდვ, მაგალთო, შილებე მაცივარიშ კარს ქიმკაჭაბუე ვარდა ტელეფონს ქიგიორინუე შეტყობინება, ნამუთ ქუგგოშინანს გურაფაშ დროს.

• სქანო მოხუჯურ დრო დო მეთოდ გეგშეგორ. მუჭო რე სქანო უმოს მოხუჯურ — ართშა დო ბრელ ხანს იკითხენ თინა დოვარ მუსხირენშა დო ჭიე-ჭიეთ? სქან ამბე სი უჯგუშო გიჩქჷ, ათეშენ მუჭოთ უჯგუშ გაჸინ, თეშ დაგეგმ პირად გურაფა. დაგეგმილ დრო ქუმურს დო გურაფაშა გურ ქიანაშის ვემგალენ ქარწყექ-და, ვით წუთ რდასინ იშენ დაუთმ გურაფას. გვალო გოიჩირთასინ თის თენა უჯგჷ. შილებე თე ვით წუთიშ უკულ გურქ ქუგაჸუას უმოს ხანს ხოლო გაგრძელე გიმორკვიება (ფილ. 2:13).

• წინასწარ გეგშეგორ საკითხ. მუ საკითხ ოკო გიმირკვიენ თიშე ფიქრ პირად გურაფაშ დროს ქიდიჭყ-და, თენა ვეჸუაფ დროშ ჭკვერულო გიმორნაფა (ეფეს. 5:16). ჯგირ იჸი, გიმოჭარილ გაფუდას თი სტატიეფიშ სათაურეფ დო საკითხეფ, ნამდგაშ გიმორკვიება გოკო. მუჟამსით მუდგაინ კითხვა გოირჩქინდუ, თი კითხვა ხოლო ქიგუძინ. პირად გურაფაშ უკულ ხოლო შილებე ქუმოირთას აზრიქ, მუ საკითხეფიშ მიშაძინა შეილებ გიმარკვიებელო.

• ქუმუხუჯე სიტუაციას. არძაშე მნიშვნელოვან თინა რე, ნამდა მარაქ პირად გურაფაშ უმშო ვემკორთას. ათეშენ, საჭიროქ ქიჸუ-და, დოთირე გურაფაშ დღა, საათ, საკითხ დო თინა, მუზმა დროს დაუთმენქ.

რეგულარულ პირად გურაფას მართალო ჯგირ შედეგეფ მოუღ – უმოსო ვეახლოებუთ იეჰოვას, ბგურაფლენთ ჭკვერულ გადაწყვეტილებეფიშ მეღებას დო იმამნგარებუთ (იეს. 1:8).