ქიმიოგორეთ სულიერ განძის დო გეგმირინეთ თინა

ბიბლიაშ კითხირიშ დროს თიშ გიმორკვიებათ შემლებუნა მივოგორუათ სულიერ განძის. მარა მუჭო შემლებუნა უმოს ჯგირობუა მიბღათ თიშე?

ტომბაშე გეგმირკვით ბიბლიურ მონაკვეთიშ დეტალეფ. მაგალთო, ქოძირით, მიქ ჭარჷ, მის მეჭარ დო მუჟამ, მუ სიტუაცია რდჷ ჭარუაშ დროს, მუქ მოხვად თე შემთხვევაშახ დო თიშ უკულ.

დეფიქრით, მუს გურაფლენთ. თეშო შეილებუნა გეგმირინუათ თეცალ კითხვეფ: მუს გინაფლენდეს თე მონაკვეთის მოშინაფილ ადამიანეფ? მუ თვისებეფს გიმირჩქინანდეს? მუშენ ოკო გიმიფრჩქინე ვარდა ვეგმიფრჩქინე თინეფცალ ­თვისებეფ?

გეგმირინეთ ნაგურეფ. თეშ კეთება შეილებუნა მსახურებას ვარდა შხვეფწკუმა ურთიერთობაშ დროს. მუჭოთ ბიბლია იჩიებ, თეშნერო გეგმირჩქინანთ სიბრძნეს (ფსალმ. 107:43).

• ელაიჩანთ: დეფიქრით, მუჭო შეილებუნა გეგმირინუათ შქა მარაშ შეხვალამაშ პროგრამაშ ართ-ართ ნაწილშე, „ძვირფას აზრეფ ბიბლიაშე“, ნაგურეფ. თე ნაწილს ირიათო რე მოჩამილ კითხვეფ, აზრეფ დო სურათეფ, მუდგაშე შემლებუნა დეფიფქრათ.