მეფეეფიშ ბრძოლა ბოლო დროს
თე ჩარჩოს მოჩამილ ნამთინე წინასწარმეტყველება დროშ ართდოიგივე მონაკვეთის ისრულებ. თინეფ ამტკიცენს, ნამდა „ბოლო დროს“ ფცხოვრენთ (დან. 12:4).
მუხლ(ეფ): (გამოცხ. 11:7; 12:13, 17; 13:1—8, 12)
წინასწარმეტყველება: „მხეცი“ საუკუნეეფიშ დინახალე მართუნდჷ ხალხის. ბოლო დღალეფს მაშქვითა დუდ დონჭყოლეს. მარა, ჭრილობაქ დოუსქიდ დო „მთელ დედამიწა“ თის ეკოჸუნს. სატანა გიმირინუანს მხეცის, ნამდა „დოსქილადირეფს“ ქებრძოლას.
შესრულება: წარღვნაშ უკულ მთავრობეფ, ნამუთ იეჰოვას ონტერდეს, მართუნდეს ხალხის. საუკუნეეფიშ უკულ, პირველ მსოფლიო ომიშ დროს, ბრიტანეთიშ იმპერიაქ მანგარო დესუსტჷ. მარა თიქ კინ დირთინუ ძალა, მუჟამსით შეერთებულ შტატეფქ თიშ მოკავშირეთ გინირთჷ. განსაკუთრებით ბოლო დღალეფს, სატანა თე პოლიტიკურ სისტემას გიმირინუანს, ნამდა ღორონთიშ ხალხიშ წინააღმდეგ მიდართას.
მუხლ(ეფ): (დან. 11:25—45)
წინასწარმეტყველება: ბოლო დღალეფს ჩრდილოეთიშ დო სამხრეთიშ მეფეეფ ობრძოლნა ართიანს ძალაუფლებაშ მიოღებელო.
შესრულება: გერმანია დო ინგლის-ამერიკა ართიანს ობრძოლნა. 1945 წანას საბჭოთა კავშირ დო თიშ მოკავშირეეფქ ჩრდილოეთიშ მეფეთ გინირთჷ. 1991 წანას საბჭოთა კავშირქ აკოცუ. დროხანიშ უკულ რუსეთ დო თიშ მოკავშირეეფქ ახალ ჩრდილოეთიშ მეფეთ გინირთჷ.
მუხლ(ეფ): (ეს. 61:1; მალ. 3:1; ლუკ. 4:18)
წინასწარმეტყველება: იეჰოვაქ მიდაშქვჷ მუშ „ამბეშ გუმაცხადებელ“, ნამდა სამეფოშ მოულაშახ „შარა მამზადკო“. თინეფქ ქიდიჭყეს „თვინიერეფშა სახიოლო ამბეშ“ გაცხადება
შესრულება: 1870-იან წანეფშე მოჸუნაფილ რასელ დო თიშ თანამოაზრეეფ გურგედვალირო ოცადდეს ბიბლიურ ჭეშმარიტებაშ გიმორკვიებას. 1880-იან წანეფს, თინეფქ ქიმეხვადეს, ნამდა ღორონთიშ მსახურეფშო აუცილებერ რდუ ქადაგება. თინეფქ თიცალ სტატიეფ გიშაშქვეს, მუნერით რე „საჭირო რე 1 000 მაქადაგებელ“ დო „ქადაგებაშო ცხებულეფ“.
მუხლ(ეფ): (მათ. 13:24—30, 36—43)
წინასწარმეტყველება: ნტერ მინდორს, სოდეთ ქობალიშ კაკალ რე თასილ, ღვანძგილს ქიმშათასანდჷ. მოსავალიშ ეჭოფუაშახ, თინეფ ართო მირდუდეს. ღვანძგილ გეგნოფორუნდჷ ქობალიშ კაკალს; თეშ უკულ, ქობალიშ კაკალს ღვანძგილს ჩაუთხინუანდეს.
შესრულება: 1870-იან წანეფშე მოჸუნაფილ გეგმიარგამ მი რდეს ჭეშმარიტ ქრისტიანეფ დო მი რდეს ტყურა ქრისტიანეფ. ბოლო დღალეფს ჭეშმარიტ ქრისტიანეფქ ქრისტიანულ კრებას რენა აკოშაყარელ დო მუთუნ საერთო ვა უღნა ტყურა ქრისტიანეფწკუმა.
მუხლ(ეფ): (დან. 2:31—33, 41—43)
წინასწარმეტყველება: რკინაშ დო თიხაშ ნარჩაკუჩხ ქანდაკებაშ ნაწილ რე, ნამუთ შხვადოშხვა მეტალშე შითმოდირთუ.
შესრულება: თიხა ასიმბოლოენს ხალხის, ნამდგას ინგლის-ამერიკაშ მსოფლიო იმპერია მართუნს. თინეფ ოწინააღმდეგნა თე მსოფლიო იმპერიას დო თეშნერო ასუსტენა თიშ ძალას, ნამუთ რკინაცალო მანგარ რე.
მუხლ(ეფ): (მათ. 13:30; 24:14, 45; 28:19, 20)
წინასწარმეტყველება: „ქობალიშ კაკალ“ იშაყარუ „მაღაზას“ დო „ართგურ დო გონიერ მონა“ რე დანიშნულ, ნამდა ქიზრუნას „შინაურეფშე“. „სახიოლო ამბეს სამეფოშ გურშენ“ იქადაგენდეს „მთელ მსოფლიოს“.
შესრულება: 1919 წანას ართგურ მონაქ დენიშნჷ, ნამდა ქიზრუნას ღორონთიშ ხალხშე. თე დროშე მოჸუნაფილ, ბიბლიაშ მარკვიებელეფ უმოს მეტ მონდომათ ქადაგენდეს. ამდღა, იეჰოვაშ მოწმეეფ 200-მეტ ქიანას ქადაგენა დო 1 000-შე მეტ ნინაშა გიშაშქვანა ბიბლიაშა გერსხილ პუბლიკაციეფს.
მუხლ(ეფ): (დან. 12:11; გამოცხ. 13:11, 14, 15)
წინასწარმეტყველება: ჟირრქალამ მხეც ხალხის უწინდჷ, ნამდა გაკეთესკო „მხეციშ ქანდაკება“ დო ჟირრქალამ მხეც შურს ქინუდგუნდჷ თე ქანდაკებას.
შესრულება: ინგლის-ამერიკაშ მსოფლიო იმპერიაქ დიდ როლ შეასრულ „ერთა ლიგაშ“ შექმნას. თე ორგანიზაციას ხუჯ ქუდუკინეს შხვა ქიანეფქ ხოლო. საბოლათ, ჩრდილოეთიშ მეფექ „ერთა ლიგაშ“ წევრო გინირთჷ, მარა თაშ ხვალე 1926—1933 წანეფს რდუ. ხალხის ჯერდჷ, ნამდა „ერთა ლიგა“ დამყარენდჷ მსოფლიო მშვიდობას, მუთ ხვალე ღორონთიშ სამეფოს შეულებ. ამდღა ხალხის ჯერს, ნამდა თეს გაერო გაკეთენს.
მუხლ(ეფ): (დან. 8:23, 24)
წინასწარმეტყველება: მეფე, ნამუთ მეჯინელო რისხუან რე, „კოჩის ვა უძირუნ ფერ უბედრობეფს ქიმიღანს“.
შესრულება: ინგლის-ამერიკაშ მსოფლიო იმპერიაქ ბრელ კოჩ გოჭყვიდჷ დო ბრელ მუთუნ განადგურ. მაგალთო, მაჟია მსოფლიო ომიშ დროს, შეერთებულ შტატეფქ ჟირ ატომურ ბომბ გიმირინუ მუშ დო ბრიტანეთიშ ნტერ ქიანეფიშ წინააღმდეგ. თენა რდუ არძაშე უმოს გუმანადგურებელ იარაღ, ნამუთ თეიშახ მითინს გიმურინუაფ.
მუხლ(ეფ): (დან. 11:31; გამოცხ. 17:3, 7—11)
წინასწარმეტყველება: ვითრქალამ „ალიშფერ მხეც“ უფსკრულშე ეშმურს დო თინა მაბრუო მეფეთ გინმირთუ. დანიელიშ წიგნის თე მეფე მოშინაფილ რე, მუჭოთ „გუმაპარტახებელ სისაძაგლე“.
შესრულება: მაჟია მსოფლიო ომიშ დროს ერთა ლიგაქ ხეთეშე აკოცუ. ომიშ უკულ თიშ ადგილ გაეროქ ქიდეკინ. ერთა ლიგაცალო, გაეროს თი პატის არზენა, ნამუთ ღორონთიშ სამეფოს ოკუთვნ. გაერო განადგურენს რელიგიეფს.
მუხლ(ეფ): (1 თეს. 5:3; გამოცხ. 17:16)
წინასწარმეტყველება: ერეფ „მშვიდობა დო უსაფრთხოებას“ გიმაცხადენა; „ვით რქა“ დო „მხეც“ ქიგიანთხუნა „მეძავს“ დო ბოლოს მუღენა თის. თეშ უკულ, ერეფ გენადგურებნა.
შესრულება: ერეფ თქუანა, ნამდა თინეფქ მშვიდობა დო უსაფრთხოებას ქიმიოჭირინუეს. თეშ უკულ, თინეფ გაეროწკუმა ართო ტყურა რელიგიეფს განადგურენა, მუთ დიდ გასაჭირიშ დოჭყაფაშ ნიშან იჸუაფ. დიდ გასაჭირ გეთებუ, მუჟამსით არმაგედონიშ ომს თე ქვეყნიერება გენადგურებ.
მუხლ(ეფ): (ეზეკ. 38:11, 14—17; მათ. 24:31)
წინასწარმეტყველება: გოგი გიანთხუ ღორონთიშ ხალხის. უკულ ანგელოზეფ აკოშაყარანა „გიშაგორილეფს“.
შესრულება: ჩრდილოეთიშ მეფე მსოფლიოშ შხვა მართველეფწკუმა ართო ქიგიანთხუ ღორონთიშ ხალხის. თეშ უკულ ცხებულეფიშ დოსქილადირ ნაწილ, ზეცას აკიშაყარუ.
მუხლ(ეფ): (ეზეკ. 38:18—23; დან. 2:34, 35, 44, 45; გამოცხ. 6:2; 16:14, 16; 17:14; 19:20)
წინასწარმეტყველება: თინა, მით ჩე ცხენს გეხე, განადგურენს გოგის დო თიშ ჯარს. მხეცის დაჩხირიშ ტბას ქინაჸათანა დო ქუა განადგურენს დიდ ქანდაკებას.
შესრულება: იესო, ღორონთიშ სამეფოშ მეფე, ირსხენს ღორონთიშ ხალხის. თინა 144 000 თანამართველ დო ანგელოზეფიშ ლაშქარწკუმა ართო, განადგურენს ერეფიშ კოალიციას. თეთ სატანაშ ქვეყნიერება საბოლათ გენადგურებ.