ᲥᲘᲪᲮᲝᲕᲠ ᲥᲠᲘᲡᲢᲘᲐᲜᲣᲚ ᲞᲠᲘᲜᲪᲘᲞᲔᲤᲘᲗ
გევითარით იეჰოვაშ აზროვნება
მოკონა, ჩქინ არძა მოქმედებათ გურ გუხარათ იეჰოვას (იგავ. 27:11). თექ ქეშმალებუანინ, საჭირო რე, არძა გადაწყვეტილებაშ დროს გეფთვალისწინათ ღორონთიშ აზროვნება, თიმწკუმა ხოლო, მუჟამსით კონკრეტულ საკითხშე პირდაპირ მითითება ვამღუნა. მუ მიმეხვარებნა იეჰოვაშ აზროვნებაშ გავითარებას?
ირიათო იკითხით ბიბლია. ირო, მუჟამსით ბიბლიას ბკითხულენთ, ურთიერთობა მიღნა იეჰოვაწკუმა. ღორონთიშ აზროვნებას ინვანჭუთ, მუჟამსით ვორწყეთ, მუჭო ოქცუდ თინა ულირს მუშ ხალხის დო იბრკვიენთ თინეფიშ მაგალითეფს, მიდგას იეჰოვაშ თოლს ჯგირ ვარდა გლახა სახელ უღუდ. მუჟამსით გადაწყვეტილება მაფნა მიოღებელ, წმინდა შურს შეულებ ქუგმოშინან მნიშვნელოვან აზრეფ დო პრინციპეფ, ნამუთ ღორონთიშ სიტყვაშე მაფნა ნაგურეფ (იოან. 14:26).
გეგმირკვით. მუჟამსით გადაწყვეტილება გაფნა მიოღებელ, ქოკითხით თქვან დუდის: „ნამ ბიბლიურ მუხლეფ ვარდა მონაკვეთეფ მიმეხვარებ თიშ ძირაფას, მუს ფიქრენს იეჰოვა თე საკითხშე?“. ლოცვას ქოთხით თის მოხვარა დო გეგმირინეთ ორკვიებელ საშვალებეფ, მუთ თქვან ნინაშა გიღნა, ნამდა დოგორათ დო გეგმირინუათ თქვან სიტუაციას მეურენ ფერ ბიბლიურ პრინციპეფ (ფსალმ. 25:4).
ᲥᲣᲯᲘᲜ ᲕᲘᲓᲔᲝᲡ „ᲛᲝᲗᲕᲘᲜᲔᲑᲐᲗ ᲘᲑᲠᲣᲚᲐᲗ ᲬᲝᲮᲝᲚᲔ ᲔᲬᲝᲛᲘᲫᲜᲐᲜ ᲗᲘ ᲨᲐᲠᲐ — ᲛᲘᲦᲘᲗ ᲡᲣᲚᲘᲔᲠ ᲡᲐᲖᲠᲓᲝ“. ᲣᲙᲣᲚ ᲥᲣᲞᲐᲡᲣᲮ ᲗᲣᲓᲝ ᲛᲝᲩᲐᲛᲘᲚ ᲙᲘᲗᲮᲕᲔᲤᲡ:
მუ სირთულეეფს შეხვად ართ ახალგაზრდა დაქ?
მუჟამსით თეცალ სიტუაციას შეხვადუთ, მუჭო შეილებნა გეგმირინუათ ორკვიებელ საშვალებეფ?
მუჭო მოხვარნა გიმორკვიება დო პირად გურაფა ჯგირ გადაწყვეტილებეფიშ მეღებას? (ებრ. 5:13, 14).