ᲥᲘᲪᲮᲝᲕᲠ ᲥᲠᲘᲡᲢᲘᲐᲜᲣᲚ ᲞᲠᲘᲜᲪᲘᲞᲔᲤᲘᲗ
მზათ რდათ სასწრაფო სამედიცინო სიტუაციეფშო
მუშენ რე საჭირო მომზადება? სასწრაფო სამედიცინო მოხვარაქ ვარდა საავადმყოფოს დონჯირაქ შილებე ველუთინ თეშ ქიდგესაჭირან. ათეშენ შეილებნა წინასწარ მემზადათ, ნამდა საჭიროქ ქიჸუ-და, მუთ შილებენ ჯგირ სამედიცინო მოხვარა მიღათ. თეშნერო ოძირანთ, ნამდა აფასენთ სიცოცხლეს დო ღორონთიშ კანონს ზისხირწკუმა დაკავშირებით (საქ. 15:28, 29).
მუჭო შეილებნა მემზადათ?
ქილოცით დო გურგოჩამილო შეავსით სამედიცინო მინდობილობა.a ნათილ ქრისტიანეფს შეულებნა ლიტერატურაშ პასუხიშმგებელ ჯიმას გეგწუღან სამედიცინო მინდობილობაშ ბლანკ ვარდა მუნეფიშ ბაღანეფშო საიდენტიფიკაციო ბარათ.
ბაღანას ქელუთ-და, შეილებნა თქვან უხუცესეფს ქოთხუათ დოკუმენტ „ინფორმაცია ორსულეფშო“ (S-401). თექ მოჩამილ ინფორმაცია ქიმგეხვარებნა, სწორ გადაწყვეტილებეფ მიღათ სამედიცინო საკითხეფწკუმა დაკავშირებით მუჭოთ ორსულობაშ, თეშ მშობიარობაშ პერიოდის.
თიცალ სამედიცინო პროცედურა ქუგაფნა დაგეგმილ, ნამდგაშ დროს შილებე საქმექ ზისხირიშ გინობუნაშა ქიმერთას ვარდა საავადმყოფოს დონჯირა ქუგოსაჭირნან-და, წინასწარ ქუგაგებაფეთ თეშ გურშენ უხუცესეფს დო ქინარნეთ საქმეშ კურსის საავადმყოფოშ ადმინისტრაცია, ნამდა ქუმგაკითხანა იეჰოვაშ მოწმეეფიშ წარმომადგენელ.
მუჭო მიგეხვარებნა უხუცესეფ? თინეფ მიგეხვარებნა, შეავსათ სამედიცინო მინდობილობა. მარა მკურნალობაწკუმა დაკავშირებით თინეფ თქვან მანგიორო ვემიღენა გადაწყვეტილებეფს დო ვართ მუნეფიშ აზრ არაგადენა თი საკითხეფშე, მუთ პირადო თქვან გინაჭყვიდირალ რე (რომ. 14:12; გალ. 6:5). მუჟამსით უხუცესეფს წინასწარ ქუგაგებაფუანთ, ნამდა მკურნალობაშ დროს შილებე საქმექ ზისხირიშ გინობუნაშა ქიმერთას, თინეფ ხეთეშე დეკავშირებნა საავადმყოფოეფწკუმა თანამშრომლობაშ კომიტეტის.
მუჭო მიგეხვარებნა საავადმყოფოეფწკუმა თანამშრომლობაშ კომიტეტ? ჯიმალეფს, მით თე კომიტეტის მსახურენა, მიკულირ აფნა სპეციალურ მომზადება, მუჭო ეუნწყან სამედიცინო დო იურიდიულ სფეროეფიშ წარმომადგენელეფს ზისხირწკუმა დაკავშირებით ჩქინ რელიგიურ შეხედულება. თინეფ ექიმეფს ზისხირიშ უმშო მკურნალობაშ მეთოდეფს გაჩინებაფუანა. საჭიროქ ქიჸუ-და, ქიმგეხვარებნა თიცალ ექიმიშ გორუას, ნამუთ თანამშრომლენს თე კომიტეტწკუმა.
ᲥᲣᲯᲘᲜ ᲕᲘᲓᲔᲝᲡ „ᲛᲘᲑᲦᲐᲗ ᲡᲬᲝᲠ ᲒᲐᲓᲐᲬᲧᲕᲔᲢᲘᲚᲔᲑᲔᲤ ᲖᲘᲡᲮᲘᲠᲬᲙᲣᲛᲐ ᲓᲐᲙᲐᲕᲨᲘᲠᲔᲑᲘᲗ“. ᲣᲙᲣᲚ ᲥᲣᲞᲐᲡᲣᲮ ᲗᲣᲓᲝ ᲛᲝᲩᲐᲛᲘᲚ ᲙᲘᲗᲮᲕᲐᲡ:
მუჭო მიგეხვარებნა თე ვიდეოს მოჩამილ ინფორმაცია, მემზადათ სასწრაფო სამედიცინო სიტუაციეფშო, ნამდგაშ დროს შილებე საქმექ ზისხირიშ გინობუნაშა ქიმერთას?
a წიგნიშ „მარადიულო გეხარით ცხოვრებათ!“ 39-ა გაკვეთილ ქიმგეხვარებნა, მიღათ გადაწყვეტილებეფ ზისხირწკუმა დაკავშირებით.