ᲥᲘᲪᲮᲝᲕᲠ ᲥᲠᲘᲡᲢᲘᲐᲜᲣᲚ ᲞᲠᲘᲜᲪᲘᲞᲔᲤᲘᲗ
გემანგარით რწმენა ღორონთიშ სიტყვაშ მიმართ
ღორონთიშ სიტყვას შეულებ დოთირუას ჩქინ ცხოვრება (ებრ. 4:12). მარა ბიბლიურ რჩევეფს დო ხემძღვანელობას ქიმვაჸუნათინ, ოკო ბჯერდან, ნამდა თინა „ღორონთიშ სიტყვა“ რე (1 თეს. 2:13). მუჭო შემლებნა გემამნგარათ რწმენა ღორონთიშ სიტყვაშ მიმართ?
ირდღას წეკითხით ბიბლია. მუჟამსით ბიბლიას ბკითხულენთ, ვორწყეთ, ნამდა თიშ ავტორ იეჰოვა რე. მაგალთო, შეილებნა გეგმირკვიათ იგავეფს მოჩამილ ჭკვერულ რჩევეფ დო ქოძირათ, ამდღა ხოლო მუნერ გონივრულ რე თინეფიშ ცხოვრებას გიმორნაფა (იგავ. 13:20; 14:30).
გეგმირკვით პირად გურაფაშ დროს. ჯგირო გეგმირკვით, მუ ამტკიცენს, ნამდა ბიბლია ღორონთშე შთაგონებულ სიტყვა რე. „იეჰოვაშ მოწმეეფიშ ორკვიებელ სახემძღვანელოს“ (ქორთულ გიშაშქუმალას) ქოძირით თემა „ბიბლია“ დო ქვესათაურ „ღვთისგან შთაგონებული“. თეს გეძინელ, ბიბლიაშ მიმართ რწმენას გაიმანგარენა ინფორმაცია, ნამუთ მოჩამილ რე „ახალ ქვეყნიერებაშ თარგმანიშ“ გინომუშებულ გიშაშქუმალას, დანართის 3ა.
ᲥᲣᲯᲘᲜ ᲕᲘᲓᲔᲝᲡ „ᲛᲣᲨᲔᲜ ᲑᲬᲐᲜᲐ . . . ᲦᲝᲠᲝᲜᲗᲘᲨ ᲡᲘᲢᲧᲕᲐᲨ“. ᲣᲙᲣᲚ ᲥᲣᲞᲐᲡᲣᲮ ᲗᲣᲓᲝ ᲛᲝᲩᲐᲛᲘᲚ ᲙᲘᲗᲮᲕᲔᲤᲡ:
მუ აღმოჩენაქ იჸუ კეთებულქ ეგვიპტეს, კარნაკიშ ტაძარიშ კიდალას, მუთ მარწმუნენა, ნამდა ბიბლია ღორონთიშ სიტყვა რე?
სოვრეშე მიჩქნა, ნამდა ბიბლიას მოჩამილ ინფორმაციაქ ვათირენ თეშ ქუმორთჷ ჩქინ დროშახ?
მუჭო გიმანგარენა ბიბლიაშ მიმართ რწმენას თი ფაქტ, ნამდა თე წიგნ ამდღარშახ არსებენს? (წეკითხით ესაიაშ 40:8).