სექტემბერიშ თუთას დაგეგმილ სპეციალურ კამპანია ბიბლიაშ გურაფეფიშ დაჭყაფალო

სექტემბერიშ თუთას ბრელს იფხანდენთ, ნამდა ქიდიბჭყათ ბიბლიაშ გურაფეფ ბროშურათ „მარადიულო გეხარით ცხოვრებათ!“. მით თე თუთას დამხმარე პიონერო მსახურებას გინოჭყვიდუნს, შეულებ 30 საათიან ნორმა შეასრულას. მუჭო იფქადაგენთ სპეციალურ კამპანიაშ დროს?

• პირველ ჩიება: პიროვნებას ინტერეს გურჩქინათინ, რაგადიშ წუმაჭყაფალო გეგმირინეთ ბროშურაშ უკახალენ გვერდ დო ქაძირეთ, მუჭო იტარებ ბიბლიაშ გურაფა. ვაგგოჭყორდან თინეფქ, მიდგაქ ინტერეს გიმირჩქინ დო მიდგას კინ მიაკითხანთ. თინეფქ ულირს ბიბლიაშ გურაფაშ დოჭყაფაშენ ვარია თქვის-და, ასე შილებე ბიბლიაშ გურაფაშ ჩატარებაშ ახალ მეთოდიქ დო ახალ პუბლიკაციაქ ინტერეს გურჩქინას. ვა დუტუათ ბროშურა კარწკუმა თინეფს, მით ჸუდეს ვა დორხვადუნა დო ვართ თინეფშა ოჯღონათ წერილით, მიდგას ინტერეს ვაგმურჩქინუ. კრებაშ სამსახურებრივ კომიტეტიქ თე კამპანიაშ დროს შილებე დაგეგმას დამატებით სამქადაგებლო შეხვალამეფ.

• შხვა საშვალებეფ: თქვან კრება ქადაგებაშო სტენდეფს ქირინუანს-და, პუბლიკაციეფ შქას გიღდან ბროშურა „მარადიულო გეხარით ცხოვრებათ!“. თინეფს, მით ინტერესის გეგმირჩქინანა, ქუწით, ნამდა თე პუბლიკაციათ შეულებნა ბიბლიაშ გურაფაშ დოჭყაფა დო მოკლეთ გეუნწყით მუჭო იტარებ თინა. თეშ საშვალებაქ თიმწკუმა ვამგაჩეს-და, შხვა დროშო ქიმირაგადეთ. სამსახურებრივ ზედამხედველქ, შილებე მაუწყებელეფს დავალას საქმიან ტერიტორიას ქადაგება დო ხალხშა ბიბლიაშ გურაფაშ შეთავაზება. შეილებნა ბიბლიაშ გურაფა თანამშრომელეფს ხოლო შეთავაზათ ვარდა თინეფს, მიდგას არაფორმალურო ქადაგებაშ დროს შეხვადუთ.

იესოქ დუმავალეს, ნამდა ადამიანეფ მოწაფეეფო მუვამზადითკო დო ქიდვოგურეთკო თინეფს (მათ. 28:19, 20). იმენდ მიღნა, ბროშურა „მარადიულო გეხარით ცხოვრებათ!“ დო თე კამპანია მიმეხვარებნა თე მიზანიშ მენჭირნაფას.