სუმ საშვალება, ნამუთ მიმეხვარებნა, მივენდათ იეჰოვას

დავითიქ გიორჯგინ გოლიათის, მუშენდა ონდუდ იეჰოვას (1 სამ. 17:45). იეჰოვას ოკო, ძალა მუშ ხალხიშ საჯგირობუოთ გეგმირინუას (2 მატ. 16:9). მუჭო შემლებნა თიშ მოხვარაშა ვორდათ მენდებულ დო ვართ ხოლო ჩქინ გამოცდილება დო შესაძლებლობეფშა? თეშ კეთებას სუმ მუდგარენ მიმეხვარებნა:

• ხშირას ლოცვა. ხვალე თიმწკუმა ოკო ვებლოცათ, მუჟამსით ვაშენთ დო იეჰოვაშე პატიება მოკონა, ოკო იბლოცათ თიმწკუმა ხოლო, მუჟამსით ცდუნება მიღნა (მათ. 6:12, 13). თეს გეძინელ, ხვალე თიშენ ოკო ვებლოცათ, ნამდა იეჰოვაქ ჩქინ მეღებულ გადაწყვეტილება აკურთხას, ოკო იბლოცათ სოიშახ მუდგაინს გინობჭყვიდუნთ დო ქიფთხუათ სიბრძნე დო ხემძღვანელობა (იაკ. 1:5).

• ბიბლიაშ რეგულარულო კითხირ დო გიმორკვიება. წეკითხით ბიბლია ირდღას (ფსალმ. 1:2). დრო გეგმურთით ბიბლიურ მაგალითეფშე ფიქრის დო გეგმირინეთ ნაგურეფ (იაკ. 1:23—25). მემზადით მსახურებაშო, თიშ მანგიორო, ნამდა გამოცდილებაშა რდათ დაიმენდებულ. წინასწარ მემზადით კრებაშ შეხვალამეფშო, მუთ მიგეხვარებნა, სრულ სარგებელიშ მეღებას.

• იეჰოვაშ ორგანიზაციაწკუმა თანამშრომლობა. ვეგშქოსქიდან ორგანიზაციაშე მეღებულ უახალაშ ხემძღვანელობაქ დო ხეთეშე მიაჸუნით თის (რიცხ. 9:17). გეთვალისწინით უხუცესეფშე მეღებულ რჩევეფ დო მითითებეფ (ებრ. 13:17).

ქუჯინ ვიდეოს „თინეფს ვაშქურნა თხოზინშა“. უკულ ქუპასუხ თუდო მოჩამილ კითხვეფს:

• მუშა ოშქურდეს ჩქინ და დო ჯიმალეფს?

• მუქ მეხვარ თინეფს, გიორჯგინესკო შიშის?