გეგნოჭყვიდით იეჰოვაშ მსახურება

ახალგაზრდა მოუნათლავ მაუწყებელ ვარდა ბიბლიაშ მაგურაფ ქორექ-და, ქოიღუნო მიზანო ნათუა? მუშენ რე საჭირო ნათუა? მეძღვინუა დო ნათუათ იეჰოვაწკუმა განსაკუთრებულ ურთიერთობა იჭყაფუ (ფსალმ. 91:1). თეს გეძინელ, ნათუას ჩქინ რსხება შეულებ (1 პეტ. 3:21). მუ ნაბიჯეფ შეილებ გინოდგე თე მიზანიშ მიოჭირნაფალო?

დერწმუნ, ნამდა მუთ რწანს, ჭეშმარიტება რე. მუჟამსით კითხვეფ გოირჩქინდუ, გეგმირკვი დო მიღჷ პასუხეფ (რომ. 12:2). დეფიქრ, მუ გაფჷ ოთირალ, ნამდა იეჰოვაშ მოწონა დემსახურე (იგავ. 27:11; ეფეს. 4:23, 24). ირიათო ქოთხი თის ლოცვას მოხვარა. დარწმუნებულ რდა, ნამდა იეჰოვა გუგამანგარენს დო მიგეხვარებ მუშ ძალიერ წმინდა შურით (1 პეტ. 5:10, 11). მონდომა ნამდვილო ღირჷ, მუშენდა იეჰოვაშ მსახურება, ცხოვრებაშ არძაშ უჯგუშ შარა რე! (ფსალმ. 16:11).

ქუჯინ ვიდეოს „ნათუა — მნიშვნელოვან ნაბიჯ“. უკულ ქუპასუხ თუდო მოჩამილ კითხვეფს:

• მუ სირთულეეფს გიორჯგინ ნამთინექ, ნამდა დინათკო?

• მუჭო შეილებ რწმენაშ გავითარება, ნამდა დუდ მეუძღვინე იეჰოვას?

• მუქ აღძრჷ ნამთინე, ნათუაშო საჭირო ნაბიჯეფ გეგნოდგუკო?

• მუ კურთხევეფს ღებულენა თინეფ, მით გინმოჭყვიდუნა იეჰოვაშ მსახურებას?

• მუს ნიშნენს მეძღვინუა დო ნათუა?