მომავალ გათავისფალება — რდათ ღორონთიშ დო ქრისტეშ მარდულ

მუ სირთულეეფწკუმა გიხვადნა ირდღას ბრძოლა? ოჯახიშ დუდ ხომ ვა რეთ, ნამუთ ირნერო ოცად, იზრუნას მუშ ოჯახშე? ხვალე ხომ ვა რდუნთ სქუალეფს დო ბრელ ხომ ვა გაფნა ომუშებელ დუდიშ ეიოჯუმალარო? ახალგაზრდა ხომ ვა რეთ, ნამუთ სკოლას გოძიცას შეხვადუ? გლახა ჯამრთელობა ხომ ვაიღნა ვარდა ასაკიშ მოძინაწკუმა დაკავშირებულ პრობლემეფს ხომ ვაბრძოლუთ? არძას მიღნა მუდგარენ ოწუხებელ. ბრელ ქრისტიანს ართდროულო მუსხირენ პრობლემაწკუმა უხვადუ ბრძოლა. თეშ უმკუჯინუო, მიჩქნა, ნამდა მალას თე პრობლემეფშე გეფთავისფალებუთ (2 კორ. 4:16—18).

თე დროშ მოულაშახ, გურშა ელამკინანა თიშ რჩქინა, ნამდა იეჰოვას ჯგირო არჩქილე, მუ სირთულეეფწკუმა მიხვადნა ბრძოლა. თინა მანგარო აფასენს ჩქინ ართგურობას დო მოთვინებას დო საბოლათ დიდებულ კურთხევეფით ემოფშანა (იერ. 29:11, 12). იესო ხოლო რე დაინტერესებულ თითოულ ჩქინგანიშ მდგომარეობათ. მუჟამსით თეშ იფცხოვრენთ, მუჭოთ იესოქ დომჩინეს, შემლებნა დარწმუნებულ ვორდათ, ნამდა თინა შეასრულენს მუშ დუნაპირებუს: „მა ირდღას თქვანწკუმა ვორექ“ (მათ. 28:20). მუჟამსით ფიფქრენთ თი თავისუფლებაშე, ნამდგას ღორონთიშ სამეფო მომღანა, იმანგარებ ჩქინ იმენდ დო ხოლო უმოსო მაფნა გინოჭყვიდილ, ქუგურზათ ამდღანერ პრობლემეფს (რომ. 8:19—21).

ქუჯინ ვიდეოს „ონდო ქარბორია ელალუდას, ყურადღება იესოშა გაფდან გინოღალირ — ღორონთიშ სამეფოშ კურთხევეფ“. უკულ ქუპასუხ თუდო მოჩამილ კითხვეფს:

• მუჭო დეშორ კაცობრიობაქ ღორონთის დო მუქ მაჸუნ თეს შედეგო?

• მუნერ მომავალ ელნა თინეფს, მით იეჰოვაშ ართგურ რე?

• მუ ოკო ვაკეთათ, თეცალ მომავალ ქომღუდანინ?

• ღორონთიშ ნამ დუნაპირებუშ შესრულებას ელუთ არძაშ უმოსო?