დეცვით თქვან ქორწინება

იეჰოვა ქორწინებაშ აღთქმას სერიოზულო უჯინე. თიშ ნება რე, ჩილ დო ქომონჯიქ დღას ვეჩეთხუას ართიანს (მათ. 19:5, 6). ღორონთიშ ხალხ შქას ბრელ ბედნერ დაქორწინებულ წყვილ რე. მარა სრულყოფილ ქორწინება ვა არსებენს დო ათეშენ, მინშა პრობლემეფ წიმიჭკირუ. ჩქინდე ოკო ვემოქმედას ქვეყნიერებას გავრცელებურ აზრიქ, ნამდა წყვილს პრობლემა ქოუღუნ-და, თეს ცალკე ცხოვრება ვარდა ჩათხია მაგვარენს. მუჭო შეულებნა დაქორწინებულ ქრისტიანეფს, დეცვან მუნეფიშ ქორწინება?

გუვარჩუათ ხუთ მნიშვნელოვან ნაბიჯ.

1. დუდ ეუჩილითეთ ფლირტის დო უზნეო გართობას, მუთ აკმარღვანს ქორწინებას. თეშნერო დეცვით თქვან გურ (მათ. 5:28; 2 პეტ. 2:14).

2. გამანგარით თქვან ურთიერთობა იეჰოვაწკუმა დო მიზანო გიღდან, ნამდა თქვან ქორწინება იეჰოვაშო მოსაწონ რდას (ფსალმ. 97:10).

3. გაგრძელით ახალ პიროვნებათ თირუა დო ჭიჭე საკითხეფს ხოლო გეგმირჩქინით სიჯგირა. თენა თქვან მეუღლეს ცხოვრებას გაუადვილენს (კოლ. 3:8—10, 12—14).

4. გეგმირჩქინით პატიცემა. ხშირას ქეჩით ართიანს (კოლ. 4:6).

5. ჸოროფათ შეასრულით ჩილ დო ქომონჯიშ მოვალეობა (1 კორ. 7:3, 4; 10:24).

მუჟამსით ქრისტიანეფ აფასენა ქორწინებას, პატიცემას გიმირჩქინანა იეჰოვაშ მიმართ, მიდგაქ გაჭყჷ ქორწინება.

ქუჯინ ვიდეოს «„მოთვინებათ იბრულათ წოხოლე ეწომიძნან თი შარა“ — დეცვით შეჯიბრებაშ წესეფ». უკულ ქუპასუხ თუდო მოჩამილ კითხვეფს:

• 

  თიშ უმკუჯინუო, ნამდა ქორწინებაქ შილებე ჯგირო დიჭყას, მუ პრობლემეფქ შილებე წიმიჭკირას უკულ?

• 

  მუჭო მეხვარებ ბიბლიურ პრინციპეფ თინეფს, მით ფიქრენა, ნამდა თინეფიშ ქორწინებას ჸოროფა ორკჷ?

• 

  მუ კანონეფ აფჷ იეჰოვას დოდგინელ ქორწინებაწკუმა დაკავშირებით?

• მუ მეთხიებ წყვილს, ნამდა თინეფიშ ქორწინებაქ წარმატებულქ ქიჸუას?